استضافت فانا إمام وسارة النجار في حلقة اليوم الأحد من «قبل ما تفطر بكتير» على «نجوم إف.إم» برعاية البنك الأهلي المصري، جاثنت أسعد نائب مدير عام الاتصال التسويقي بالبنك الأهلي المصري.
وقالت جاثنت أسعد «نسعى في البنك الأهلي لتحقيق دورنا في الاقتصاد، وعارفين إننا حاليا عندنا تحديات على المستوى العالمي، والحملة كانت علشان ندعم الصناعة والحرف اللي موجودة محليا، وعلشان لما بنبدأ من الصناعات المحلية بنبني ازدهار لأن كل فرد هيفرق، وعلشان نخلي الناس تاخد بالها إن فيه منتج مصري لازم ندعمه إنه ممكن يوصل للعالمية، ونبني مجتمع عنده اكتفاء ذاتي، وإحنا كبنك لينا دور مجتمعي مش بس خدمات مصرفية، لكن بندعم الصناعات المحلية وبنخلق نوع من الولاء وبنورّي العملاء إن اللي بنقوله بنعمله».
وأوضحت أن «حملة ساند المحلي جزء من الاستراتيجية التسويقية للبنك، لدعم الصناعات المحلية ودعم الاستدامة والشمول المالي، وكمان بنخلق فرص للحرف المصرية وبنخلق دخل مستدام لأصحاب الحرف والمشاريع المصرية».
وأكدت نائب مدير عام الاتصال التسويقي بالبنك الأهلي المصري، أن «دعم المنتج المحلي بيشغل نظام متكامل، لأن دعم منتج معين بيشغل وراه مصانع وورش وصناعات تانية جوه النظام ده، وبيوصل بالصناعات دي إنها تصدر كمان بره مصر».
وأشارت إلى أن «المجتمع ممكن يشارك في مساندة الصناعات المحلية، خصوصًا لإن الشباب حاليًا بيطلعوا بأفكار جديدة ومختلفة في كل الصناعات من ملابس وإكسسوارات وغيره، فدعم الأفكار الجديدة، وشراء المنتج المحلي بدلًا من مثيله العالمي».
مواضيع ممكن تعجبك
أحدث الأخبار