استضافت فانا إمام ولينة الطهطاوي في حلقة اليوم الثلاثاء من «قبل ما تفطر بكتير» على «نجوم إف.إم» برعاية البنك الأهلي المصري، هشام الطنبولي رئيس مجلس إدارة «طنبو فوود إنجريدينتس» للتصنيع الغذائي والزراعي، للحديث عن دعم البنك الأهلي المصري لمشروعه.
وحكى هشام الطنبولي رئيس مجلس إدارة «طنبو فوود إنجريدينتس» عن بداية تجربته مع البنك الأهلي وقال: «كان عندي مصانع قديمة وخرجت من السوق في 2013 وفي 2019 سمعت عن مبادرات البنك المركزي وبدأت أفكر في التطوير والاستفادة منها، وتوجهت للبنك الأهلي وساعدوني جدا وأنا كمان بحب التميز فضغطت عليهم كتير علشان نطلع شغل كويس لأني ببتدي شغلي من مرحلة البذور حتى التصدير، لأني حلمي أنتج منتج مصري أوصل بيه لمستوى محدش وصل له قبل كده».
وتابع: «لما توجهت للبنك الأهلي وعرضت عليهم الفكرة تحمسوا بمجرد ما كنت بقول لهم أنا معايا أرض صحرا هعمل عليها مصانع، واشتغلوا معانا 24 ساعة وأنا متطلب شوية وهم استحملونا».
كما تطرق للتحديات التي ساعدهم فيها البنك الأهلي، وأوضح: «كانت تحديات كبيرة واتفاجئت إنهم بيتصلوا بيا قبل ما أتواصل معاهم فشجعوني وسط الظروف والتحديات دي من كورونا وتعويم فساعدوني إني أضاعف خط الإنتاج وخدنا تسهيلات ساعدتنا، وفي فترة الكورونا هم من نفسهم أجلوا لنا أقساط، وكان فيه مصانع كتير واقفة في العالم، فكانت مصر في الفترة دي عندها فرصة تنمو فيما يخص الصادرات».
وأشار هشام الطنبولي رئيس مجلس إدارة «طنبو فوود إنجريدينتس» إلى خطط التوسعات بالمشاركة مع البنك الأهلي، وقال: «عندنا خطط لإضافة منتجات تانية للتجفيف غير البصل خلال الفترة الجاية علشان نبدأ حاجة متميزة من البذرة لحد ما نوصل لمنتج كويس».
وقدم عدة نصائح للشباب أصحاب أفكار المشروعات الصغيرة، وقال: «نصيحتي للشباب ما يدخلش في مشروع أكبر من حجمه وتاني حاجة الصراحة والوضوح مع البنك خصوصًا لأن البنك هيفيدك طول ما بتديله المعلومات صح، كمان يدرسوا السوق كويس علشان يستفيدوا منه، غير إنهم ما يقفوش مع أول مشكلة تقابلهم».
مواضيع ممكن تعجبك
أحدث الأخبار