تحدثت مريم أمين عن فنانين قرروا كتابة جوابات نعي إلى أنفسهم عندما يغادروا عالمنا، وذلك عبر برنامج “مع خالص حبي” على “نجوم إف إم” اليوم الثلاثاء.
وقالت مريم أمين إن من ضمن الفنانين هو الفنان صلاح عبد الله الذي قرر كتابة نعيًا لنفسه، حيث أكد:
لما مت عملتوا إيه؟.. كان نفسي أشوفكم بس ماقدرتش أشوف لأني مت.. لما مت زعلتوا عليا قد إيه؟.. يوم.. يومين.. تلاتة بالكتير.. مش بلومكم.. ده أنا عايزكوا تعيشوا يومكم.
صدقوني يومين كتير كفاية يوم.. أو 1/2 يوم أو 1/4 يوم.. أو ربع ساعة فقط لا غير مش مهم.
المهم لما تشوفوا صورتي أو تيجي سيرتي.. تذكروني بكل خير، وحبذا لو كانت الذكرى بدموع، أو شحتفة أو حشرجة أو نهنهة.
قصدي خلوا الحالة تبدو إنها حزن فاق كل الآفاق.. في قلب من ألم الفراق موجوع.. واوعوا تنسوا.. اذكروا محاسن موتاكم ولو مفيش ألفولي حبة محاسن واذكروها.. اكتبوها على صورتي وشيروها.. أو لما تيجي سيرتي اسكتوا.. اسكتوا وغيروا الموضوع.. غيروا الموضوع لأني للأسف.. لسه حي.. لسه بهرب من اللي فات.. لسه خايف من اللي جاي”.
وأشارت إلى أن الفنان محيي إسماعيل كتب نعيه ايضًا، حيث كتب:
عشت في الحياة لأيام معدودات.. أحبني الجمهور وأحببت أكثر لكن لم يحبني المنتجين.. لكن يكفيني أنني كنت نفسي ولم أصطنع ولم أكذب ولم أتكبر.
عشت وفقا لمبادئي التي امتلكها.. وهي الحق والخير والجمال.
فيما نوهت بأن السيناريست ناصر عبد الرحمن كتب نعيه وقال:
الله يرحمني مت.. والمرة دي الموت نهاية حب سعيدة.. لأني مت كتير قبل كده مع كل لعبة اتكسرت ومع كل قصة حب خلصت.. مت وأنا طاير والناس بتشد في رجلي.. مت وأنا بحب من غير أمل.. مت وأنا بدور على الحب أنا مت فإدعولي أقابل حبي.
وأشارت إلى أن الشاعر صلاح جاهين كان هو أكثر من تصالح مع الموت وأعظم ما تكلم عنه، حيث قال: بنيجي الدنيا في لفة ونمشي منها في لفة.. وبين اللفة واللفة بنجري بينها كام لفة.
«مع خالص حبي» قراءة في خطاب يوميًا من الساعة 5.05 حتى 5.10 عصرا.
– الصورة من الصفحة الرسمية لـ صلاح عبد الله عبر فيس بوك
مواضيع ممكن تعجبك
أحدث الأخبار