استضافت فانا إمام ولينة الطهطاوي، في «قبل ما تفطر بكتير» على «نجوم إف.إم» برعاية البنك الأهلي المصري، تامر بدر مدير تطوير البرامج التمويلية للمشروعات الصغيرة والمتوسطة بالبنك الأهلي المصري، وإبراهيم السنان رئيس مجلس إدارة Cloud Egypt.
وتحدث إبراهيم السنان رئيس مجلس إدارة Cloud Egypt، عن فكرة سلسلة مطاعمه «تاياكي» وقال: «بحب أسافر كتير وبحضر مؤتمرات لها علاقة بالجديد والمختلف بالنسبة للأكل، فركزنا في الحاجات اليابانية فحبينا نعمل براند جديد، وجت الفرصة في 2020 وقت الكورونا، وكنا عاوزين نفتح فرع تاني، وهنا جه دور البنك الأهلي في أبريل 2021 والحمد لله بدأنا في التوسع وتاياكي دلوقت بقى 15 فرع».
وعن شراكته مع البنك الأهلي المصري في تمويل مشروعه أوضح: «قبل تمويل البنك الأهلي كنا فرع واحد، وبيئة العمل كانت صعبة وإحنا كان عندنا آمال للتوسع، فالبنك هو اللي ساعدنا في الفرع التاني والتالت وده خلانا عالتراك، وخلانا تقريبا كل شهر ونص بنفتح فرع جديد، وإحنا حاطين خطة خلال الـ5 سنين الجايين يكون تاياكي حوالي 150 فرع على مستوى الشرق الأوسط».
كما قدم عدة نصائح لمن لديه أفكار لمشروعات في مجال الطعام، وقال: «أي حد بيفكر في إنه يشتغل في مجال الأكل بتكون العربية حل سهل لتفادي تجهيزات المكان والإيجارات وخلافه، ولازم تكون شكلها مميز وطبقا للمواصفات والبراندنج».
وتطرق إبراهيم السنان رئيس مجلس إدارة Cloud Egypt لخطط التوسع في سلسل «تاياكي»، وقال: «في الأول كنت عامل مفهوم مشروع عربية طعام لأنه كان وقت الكورونا وكان فيه إغلاقات والناس بتتوجه للأماكن المفتوحة، ومع التعافي من أزمة كورونا، بدأنا في التطوير وتقديم منتجات وأفكار جديدة كل فترة، وفتحنا عدد فروع كويس في وقت قصير في عكس الظروف المحيطة بس أخدنا الخطورة في الحتة دي والفترة الجاية بنتوسع في السعودية وهنفتح في مدينة الرياض في أكتوبر، وعندنا كمان 3 فروع حق امتياز (فرانشايز) في مصر حاليًا إلى جانب فروعنا الـ15».
مواضيع ممكن تعجبك
أحدث الأخبار