استضاف يوسف التهامي وفانا إمام في حلقة الخميس من «عيش صباحك» على «نجوم إف.إم»، الفنان حسني شتا للحديث عن أحدث أعماله ومشواره الفني.
وتحدث الفنان حسني شتا عن مسلسل «الأجهر» الذي شارك فيه ضمن موسم رمضان 2023، وقال: «الأجهر كنت حابب التجربة وخصوصا كنا بنصور في لبنان، وكانت أول مرة أشتغل مع عمرو سعد والشخصية كانت تحدي بالنسبة لي لأني لعبت الشخصيات الشعبية كتير فكنت بفكر إزاي أخليها مختلفة، فـ دينا نصير الستايلست كانت بتفيدني في طريقة اللبس، وكنت حابب الشخصية وربنا كرمني إنها كانت معلقة مع الناس وبيكرروا الكلام اللي كانت الشخصية بتقوله».
كما أوضح كيفية تحكمه في الحرص على التنويع حتى في الشخصية الشعبية إذا قدمها في أعمال متعددة، وقال: «لو افترضنا إننا خمسة إخوات في منطقة شعبية هتلاقي كل شخصية مختلفة عن بعض وكل واحد له طريقته، ممكن واحد عصبي وواحد هادي وكل واحد له مصطلحاته، فأنا بحاول ألعب عالاختلاف ده ، وأنا بعمل حاليا مسلسل شعبي اسمه (محارب) مع أخويا حسن الرداد، وبلعب شخصية واحد شعبي وسواق ميكروباص فآجي أفكر في لزمات ألاقي نفسي قلتها في حاجات تانية، أو أفكر في طريقة الصوت فألاقيها شبه حاجة لحد ما أوصل لمرحلة أقول لأ دي مش شبه حاجة»، متابعًا «أنا بوصل لمرحلة إني بحب الشخصية اللي بعملها حتى لو شرير زي الإرهابي في الكتيبة 101».
وقال الفنان حسني شتا إنه يتمنى تقديم شخصية من تاريخنا القديم خاصة الحضارة المصرية القديمة، موضحًا: «نفسي أعمل شخصية فرعونية زي إخناتون لأن تاريخنا كبير وإحنا حضارة متجذرة في التاريخ وعدت علينا حضارات كتير دابت جوه حضارتنا».
وعن علاقته بمواقع التواصل الاجتماعي، قال: «لو هتسألني عالحاجة اللي بكرهها هقول لك السوشيال ميديا، لأنها بتروج لحاجات مش بتبقى صحيحة وأنا نفسي بحاول أدور عالمصدر لكن على مستوى الشغل بقيت مركز شوية عليها أكتر».
وكشف عن جديده خلال الفترة المقبلة وموسم رمضان 2024، وقال: «عندي مسلسل (محارب) ومسلسل (جري الوحوش) ومسلسل (دماء العذارى)».
مواضيع ممكن تعجبك
أحدث الأخبار
