استضاف كريم خطاب في حلقة الاثنين من «في الاستاد» على «نجوم إف.إم»، محمد صبحي حارس المرمى الأسبق لنادي الإسماعيلي ومنتخب مصر.
وتحدث الكابتن محمد صبحي عن ما يحتاجه المنتخب في مواجهاته القادمة في بطولة كأس الأمم الإفريقية بعد تعادل موزمبيق، وقال: «لازم فيتوريا يعتمد على اللاعيبة الكبار في المنتخب وكنت أتمنى أشوف محمد صلاح في مباراة موزمبيق شرس زي مباراة الكونغو، وعاوزه يرجع للشكل ده ويشيل المنتخب على كتافه».
وتابع: «أنا متأكد إن اللاعيبة هتتغير جذريا في مباراة غانا وهنكسب إن شاء الله، وللأسف بعد مباراتنا الأولى كل المنتخبات أصبحت تتمنى مواجهة منتخب مصر بالمستوى ده».
وعن اختياراته من اللاعبين، قال: «فتوح وإمام ومروان عطية وكهربا كمان دول لازم يبقى لهم دور ويبدأوا المباراة».
وعن ضعف مستوى بعض الأسماء في المباراة السابقة، أوضح: «منتخب مصر مش ملك حد وأي لاعب مش في حالته الفنية إيه العيب لو اتغير، وكان فيه 5 أو 6 مش في حالتهم، والحالة كانت واضحة من الشوط الأول، وعادي أغير صلاح أو النني، لكن حتى لو صلاح مش في حالته بيبقى عامل رهبة للفريق التاني».
ويواجه الفراعنة، المنتخب الغاني مساء الخميس 18 يناير في تمام الساعة العاشرة مساءً بتوقيت القاهرة، على ستاد فيليكس بوانيي، والذي يتسع إلى33 ألف متفرج.
مواضيع ممكن تعجبك
أحدث الأخبار
