استضاف كريم خطاب في حلقة الاثنين من «في الاستاد» على «نجوم إف.إم»، محمد صبحي حارس المرمى الأسبق لنادي الإسماعيلي ومنتخب مصر.
وتحدث محمد صبحي عن حال ناديه الإسماعيلي في الفترة الحالية وقال «يجب أن تتدخل الدولة ورجال الأعمال لإنقاذ نادي الإسماعيلي.. وإيهاب جلال هو طوق النجاة للنادي ولولاه كان هبط، وفيه ناس كتير مستخبيين فيه».
كما توقع أن تحل أندية الأهلي والزمالك وبيراميدز في مقدمة الدوري العام الحالي، قائلًا: «بيراميدز عنده كواليتي لاعيبة لكن اللاعيبة معندهمش حاجة يخافوا منها ومفيش جمهور أو إعلام يحاسبهم طالما بيقبضوا مرتباتهم».
كما تذكر تجربته في الأسماعيلي وقال: «أنا اتعطلت كتير.. فضلت موسمين أتدرب لوحدي في نادي إيسترن كمباني، وأنا دخلت الإسماعيلي فريق أول وأنا 17 سنة وكنت أصغر حارس مرمى في مصر»، مؤكدًا: «لسه لحد النهارده ما أعلنتش رسمي اعتزالي، أنا حزين عاللي بيحصل لكن قفلت صفحة الملاعب، وأنا واخد رخص تدريبية، وأتمنى أنهي حياتي في النادي الإسماعيلي، لكن أنا اتهنت واتبهدلت في النادي الإسماعيلي، لكن النادي واسمه ما يستحقش أتكلم عليه لأني ابن من أبناء النادي.. أنا أعلنت اعتزالي ومش عاوز ألعب في حتة تاني إلا لو نادي الإسماعيلي كلمني».
مواضيع ممكن تعجبك
أحدث الأخبار
