قال الستاند أب كوميديان عبد الرحمن مجدي إن والده هو أكثر شخصية مؤثرة في حياته، خلال جميع فترات حياته سواء طفولة أو مراهقة أو شباب.
وأضاف خلال حلوله ضيفًا عبر برنامج «كفاية كده» مع خالد جواد، على «نجوم إف إم»، أن والده هو شخص مهم جدًا في حياته.
وتابع: «أنا ستاند أب كوميديان، وهي لها فضل في حياتي لفترات طويلة، بالإضافة إلى أنني أخرج العديد من البرامج عبر السوشيال ميديا حاليًا في إحدى شركات صناعة المحتوى».
وأكد: «الستاند أب كوميدي غيّر حياتي، أنا قبله شيء وبعده شيء تاني».
وتحدث عن بداياته في هذا المجال، وقال: «أنا كنت متابع جيد جدا للستاند أب كوميدي كنت متابع عالتلفزيون ونزلت حفلات لما عرفت إن فيه حفلات، لحد 2014 كان فيه حفل أوبن مايك، وهو حفل لأي حد عاوز يقدم ويجرب في الأول، وهو مش مقتصر على المبتدئين ممكن شخص محترف يكون عاوز يجرب سكريبت جديد قبل ما يقدمه في حفل كبير».
وعبر عن استيائه من تقليل البعض مما يقدمه الستاند أب كوميديان: «بيقولوا مهرج يعني، بتهزر يعني!.. دي شغلانة عادي زي الممثل والمهندس، فيه ناس بتشوفها إنك بتطلع تهزر وعادي، لأ علشان تطلع تهزر قدام الناس ده تعالا عيش مكاني يوم، بيبقى عندك توتر وعدم ثقة في الماتيريال، وقبل دخول المسرح بدقايق بقعد أتمشى كتير حتى لو مش بعمل حاجة، ببقى متوتر جدًا بيتنده اسمي وأطلع والناس تبدأ تصقف ومع أول إفيه أو ضحك من الجمهور ببقى أهدا خلاص، وبعد ما أخلص ببقى عاوز أختفي تاني».
مواضيع ممكن تعجبك
أحدث الأخبار
