استضافت فانا إمام في حلقة الأربعاء من «عيش صباحك» على «نجوم إف.إم» الفنانة الشابة جهاد حسام الدين.
وتحدثت جهاد حسام عما يجذبها في المشروع الفني للعمل عليه، وقالت: «دايما بفكر في القصة فيه قصص عاوزة أقدمها، وأنا نفسي في حاجات تاريخية لأني كنت بدرس تاريخ في أسطنبول، وحاسة فيه حاجات كتير في تاريخ مصر ما اتقالتش بالرواية الصحيحة أو الرواية بتاعتنا».
وعن المخرجين الذين تتمنى العمل معهم، أوضحت: «نفسي أشتغل مع الأساتذة: كاملة أبو ذكري وتامر محسن ومروان حامد، ونفسي أشتغل تاني مع أستاذة مريم أبو عوف، ونفسي أشتغل في كل الأنواع المختلفة، لأني لسه ما عملتش حاجة، ونفسي أشتغل أكشن وكوميدي وموسيقى ودراما واجتماعي ونفسي وكل الأنواع، ونفسي نوسّع مدى القصص اللي ممكن نحكيها وطريقة الحكي ودي مش حاجة مستحيلة».
كما تمنت تقديم قصة حياة الفنانة داليدا، موضحة: «شوفت فيلم فرنساوي عن قصة حياة داليدا حسيت إني عاوزة أعمل قصة حياتها لأن حياتها فيها حاجات كتير».
كما كشفت عن جديدها خلال الفترة المقبلة، وقالت: «بصور مسلسل اسمه دومينو بطولة دينا الشربيني وإياد نصار وهيعرض خارج موسم رمضان في جو إثارة، كمان صورت فيلم اسمه رامبو، مش أكشن لكن فيلم رقيق أوي بطولة عصام عمر وركين سعد».
مواضيع ممكن تعجبك
أحدث الأخبار
