استضاف يوسف التهامي وفانا إمام في حلقة الأربعاء من «عيش صباحك» على «نجوم إف.إم»، المخرج والممثل حسام الحسيني.
وتحدث حسام الحسيني عن التداخل بين شخصيته كمخرج وكممثل، وأوضح: «لو جالي إحساس إني عاوز أتدخل مع المخرج مش هشتغل ممثل، وأنا بحب أبقى محترف في شغلي».
وتابع: «شغلة المخرج يدخل ياخد منك أحسن حاجة حتى لو هتعدي ثانية قدام الكاميرا فالذكاء إني أطلع منك ده من غير ما تبقى متضايق، فلازم أدخل أفكك وأعرف أديرك علشان آخد منك أحسن حاجة»
وعن عمله في أحد الإعلانات مع النجم المصري في الدوري الإنجليزي محمد صلاح، قال: «كان نفسي أخرج لمحمد صلاح بس طلعت في شخصية مخرج معاه في الإعلان وكان من إخراج مخرج الإعلانات حمد الله».
وتطرق إلى شخصياته المختلفة بين الممثل والمخرج ومغني الراب، وقال: «بدأت وأنا صغير وأنا وحيد أمي الفنانة نهال عنبر وأبويا الفنان مجدي الحسيني، فبتعامل مع شخصياتي المختلفة على أنهم أخواتي وبجرب نفسي في الراب شوية والتمثيل شوية والإخراج شوية لحد ما لقيت نفسي».
وأشار إلى أنه «من زمان والقضية الفلسطينية من الحاجات اللي بتحركني وأنا طفل وده كان بداية دخولي لعالم الراب هي الوطنية والقومية العربية وإننا عاوزين نتوحد كعرب علشان ننقذ فلسطين».
كما قال إنه ظهر ككومبارس في فيلم «صعيدي في الجامعة الأمريكية» مع محمد هنيدي، وأوضح: «أنا كنت دي جي في صعيدي في الجامعة الأمريكية، وكنت طالع في كليب أهلًا بالعيد كنت ماسك كيس وبجري».
مواضيع ممكن تعجبك
أحدث الأخبار
