استضاف يوسف التهامي وفانا إمام في حلقة اليوم من «عيش صباحك» على «نجوم إف.إم»، المخرج والممثل حسام الحسيني.
وتحدث الفنان حسام الحسيني عن أحدث مشاركاته التمثيلية وهو دور «الشيخ هندي» في مسلسل «بطن الحوت» الذي يعرض حاليًا بطولة محمد فراج وباسم سمرة.
وقال عن دوره: «التحدي هو اللي خلاني أقبل بالدور وأول ما المخرج أحمد فوزي صالح ومدير الكاستنج مودي شاهين كلموني أنا ما كانش في دماغي التمثيل من فترة وكمان ما عملتش أدوار جد»، مضيفًا «أنا ما شوفتش مخرج دؤوب ومركز في كل حاجة زي أحمد فوزي صالح، قال لي أي حاجة مش هتفكر فيها أنا هعملها في المسلسل ده، وأنا بحب الناس اللي عارف إننا هنفيد بعض وكنا بنصور في الأميرية ولقينا أدب ولذاذة وتعاون من الناس والسكان هناك، وأنا كنت بروح أتبسط ومركز في الدور بتاعي».
وأوضح حسام الحسيني:«في الأول كنت واخد الشخصية في حتة وبعدين بدأنا نشتغل عليها مع بعض ونشوف هو ليه بيعمل كده وهو مش متدين هو مدعي التدين علشان يركب الدنيا وهو أمير جماعة متطرفة وانتهازي ووصولي».
View this post on Instagram
وعلق على الجدل الذي دار حول العمل بسبب مشاركة أحد مشاهير السوشيال ميديا ضمنه، وقال: «فيه ناس عالسوشيال ميديا موهوبة بجد وبيستغل ظروفه علشان يحقق حلمه، بكاميرا موبايل بس، وأنا بقول لهم ما تحاولش تبقى شبه حد لأنك هيكون عندك حاجات مختلفة لكن في الأول يكون فيه أسس صح تكمل عليها بس، ومعنديش مشكلة لو لقيت شباب من عالسوشيال ميديا ينفعوا المشاريع بتاعتي أيًا كان مين».
مواضيع ممكن تعجبك
أحدث الأخبار