استضاف يوسف التهامي وفانا إمام في حلقة اليوم من «عيش صباحك» على «نجوم إف.إم»، الفنان الشاب مصطفى منصور للحديث عن أحدث أعماله الفنية.
وأكد الفنان مصطفى منصور على حبه للزعيم عادل إمام، وقال: «بحب الأستاذ عادل إمام لأنه اللي حببني في الفن، لأني من البداية كنت بقلده وأنا صغير وكنت بروح أحضر مسرحية بودي جارد وكنت كل يوم أروح أشوفه وهو نازل من العربية في المسرح يوميا لمدة شهر وحلمت أكون زي الأستاذ، ولما بدأت عرفت الموضوع أد إيه فيه تعب».
وتحدث الفنان مصطفى منصور عن حبه الشديد للمسرح، موضحًا: «علاقتي بالمسرح من زمان والمسرح هو اللي رباني وبعشق وقفته لأن رأي الجمهور بيبقى في وقتها والناس بتديك السوكسيه ومهما بعدت بحب أرجع أعمل مسرح»، مشيرًا إلى أنه يقدم حاليًا مسرحية «يوم عاصم جدًا»، قائلًا: «العرض بيناقش علاقة الناس بالسوشيال ميديا وإن ما بقاش فيها تواصل ودخول الذكاء الاصطناعي، وبنعمل مقارنة بين الناس زمان كان بينها تواصل إزاي والوضع دلوقت».
كما تحدث عن أن الخبرة الحياتية تمثل أغلب أدوات الممثل إلى جانب الدراسة، مؤكدًا: «الخبرة الحياتية بنسبة 70% والباقي هو الدراسة اللي بتساعدك توظف الخبرة دي في الأدوار، لأنه لما بيجيلي الدور بشوفه من خلال اللي شوفته في الحقيقة في حياتي وبعدين أشتغل عليه من خلال دراستي».
مواضيع ممكن تعجبك
أحدث الأخبار
