تمر اليوم 21 نوفمبر الذكرى الثانية لرحيل الفنانة سهير البابلي في عام 2021 بعد مسيرة طويلة ومتنوعة من الأعمال.
الفنانة الكبيرة كانت لها لقاء أخير عبر «نجوم إف.إم» في عام 2014 قالت فيه ما كان أشبه بوصاياها والتي وجهتها بشكل أكبر للشباب.
وتحدثت الراحلة عن عشقها لمصر وأهل مصر، حيث قالت: “أنا بحب مصر وأهل مصر ونساء مصر”، مشيرة إلى أن السبيل للإصلاح هو الاقتداء بالأخلاق.
وتابعت: “كلنا بقينا نكره نجاح بعض لكن الأخلاق أخلاق، وعلى الجميع إصلاح نفسه والاعتماد على الابتسامة والكلمة الحلوة”.
كما وجهت رسالة لشباب مصر، قائلة: “أصلحوا أنفسكم قبل أن تعملوا.. وأنت رايح المكتب قول يا رب خلي لساني حلو وأقدر أساعد على قدي لكن الابتسامة والكلمة الحلوة مهمين”.
وأضافت الفنانة الراحلة: “شباب مصر وكل بلاد العالم رسالة من قلبي بحبكم بحترمكم وبحترم المحترم الواعي اللي بيحترم بيته والشارع وبيحترم بيته الكبير (مصر)، أنت المخترع والصانع وانت من تصنع الأجيال المقبلة”.
وقالت سهير البابلي: “نفسي أسمع قبل ما أرحل الشباب بيقولوا اخترعنا اختراع أو فكرنا عشان نخطط لمصر، ممكن تسمعوا كلام ماما سهير أو ماما سوسكا، الشباب هو من ينهض بالعالم العربي كله وكلنا نتحد من أجلهم، أمريكا وأوروبا أحسن مننا في إيه لا بد أن نذاكر ونقرأ شوية”.
وأكدت: “الشباب دول النعمة بتاعت ربنا، تصور تكون بلدك نصف الشباب فيها نافع ومؤدب ومبيفكرش في حاجات وحشة وبيخترع لبلده؟ ، تأكدوا أن كل فنانة امكم وكل فنان أبوكم وكل قاضي أبوكم كلنا بنحبكم يا شاب مصر ويا شباب العالم العربي”.
واستطردت: “بلاش تقليد والاقتداء بالخارج.. الطريق طويل وعمره ما يخلص إلا بالموت وعشان لما نرحل، العالم كله يشكر فينا، والله أنا عن نفسي بحب شباب العالم العربي كله وخصوصا شباب مصر، وبحبكم لكن عايزة أشوفوكم فوق قوي، وارجعوا لحضن مصر وهو من أجمل الاحضان”.
مواضيع ممكن تعجبك
أحدث الأخبار
