استضاف كريم خطاب في حلقة اليوم من «في الاستاد» على «نجوم إف.إم»، نجم الزمالك السابق صلاح سليمان.
وتحدث لاعب الزمالك السابق عن وضع نادي الزمالك حاليًا، وقال: «ظروف الزمالك الحالية صعبة، واللاعبين الجداد ما دخلوش جوه التيم أوي، والزمالك محتاج شغل ونقف جنب اللاعيبة الموجودة ونديهم مستحقاتهم قبل ما تجيب لاعبين جداد».
وعن تقييمه للاعبين الحاليين والذين يحتاج لهم نادي الزمالك، قال: «الزمالك محتاج لاعيبة كتير، في حراسة المرمى ممكن عواد يكمل لكن نجيب معاه حد صغير زي البلعوطي أو محمود جاد مكان صبحي، ويفضل الونش وعبد الشافي والمثلوثي، عبد الله جمعة، شيكابالا، زيزو، سيف الجزيري، ناصر منسي، أوباما.. حسام عبد المجيد محتاج شغل كتير، وعبد الغني شايفه بعيد عن الزمالك، والنادي محتاج عمر كمال عبد الواحد وأسامة جلال».
وعن رأيه في المنتخب الوطني قال: «كفنيات المنتخب المصري مش فرقة تقيلة لكن إحنا في البطولات المجمعة بنبقى لامّين بعض شوية، لكن المشكلة في سرعة الرتم في الفرق الإفريقية دلوقت زي المغرب والسنغال والجزائر وتونس وكوت ديفوار».
كما تحدث عن أزمة أحمد فتوح، وقال: «فتوح إمكانياته كويسة لكن أنت فرد في منظومة وكيان كبير أوي، أنت واحد بتروح من الزمالك منتخب مصر وبتاخد فلوس كويسة، وأنت لاعيب كويس لكن هييجي غيرك 30 ألف واحد، وأنا شايف الإدارة صح في اللي عملته، وأنت عارف يعني إيه تطلع من معسكر ماتش، ده كان زمان حاجة كبيرة، وحضوره افتتاح ملعب حسين الشحات مع عمر كمال عبد الواحد ومروان عطية بيوصل رسالة ومقصودة».
مواضيع ممكن تعجبك
أحدث الأخبار
