فدوى عابد لـ«عيش صباحك»: «دوّرت على الشر جوايا علشان أقدم شخصيتي في (صوت وصورة)»

استضاف يوسف التهامي وفانا إمام في حلقة اليوم من «عيش صباحك» على «نجوم إف.إم»، الفنانة فدوى عابد للحديث عن أحدث أعمالها الفنية.

وبدأت فدوى بالحديث عن أحدث أعمالها وهو مسلسل «صوت وصورة» مع الفنانة حنان مطاوع، وقالت: «بقالي أسبوعين الناس بتهزقني علشان شخصية سعاد، وعلشان أحضر قعدت شوية حلوين أدور على الشر ده جوايا، وهي في الآخر مشاعر ومفيش شر مطلق، وهي الشعور الأساسي عندها هو الغيرة والشر ده نابع من غيرتها».

وتابعت: «التحرش قضية مهمة جدا ومستمرة وعايشين فيها، وأنا مبسوطة إن رضوى ما سكتتش بالرغم من اللي حصل لها واتبهدلت وده أقرب شيء للواقع يعني، ومش معنى كده إننا ما نتكلمش».

وأكدت أنها تحرص في اختيار الأعمال التي تقدمها على التركيز على «الشخصية اللي هقدمها مهما كانت نوعية العمل نفسه تجاري أو غيره».

وأضافت: «كل عمل بشتغله وحد من تيم العمل بيقول لي تعليق صادق سواء ممثل زميلي أو مخرج ببقى فرحانة، آخر حاجة فاكرها الفنانة حنان مطاوع قالت لي أنتي مش معقولة فكنت مروحة طايرة من الفرح».

كما تحدثت عن فيلمها «19 ب» مع الفنان سيد رجب، وقالت إن مخرج العمل رشحها لأنه يعرف حبها للحيوانات وهو ما يشبه شخصيتها في العمل، وهي قبلت العمل بسبب هذا الأمر إلى جانب أشياء أخرى.

وعن علاقتها بالتكنولوجيا والسوشيال ميديا، أوضحت: «أوضحت«أوبخاف جدا من التكنولوجيا، والود ودّي أقعد في مزرعة جنب البحر، خصوصا مع ظهور الذكاء الاصطناعي»، متابعة: «معنديش فيسبوك قفلته من 2016 ومعنديش غير إنستجرام، لكن السوشيال ميديا مهمة وبقدر الإمكان بحاول أرد على الجمهور اللي بيبعت لي».