استضاف يوسف التهامي وفانا إمام في حلقة اليوم من «عيش صباحك» على «نجوم إف.إم»، طارق مصطفى، مصمم الماكياج السينمائي والمؤثرات الخاصة.
وتحدث مصمم الماكياج السينمائي والمؤثرات الخاصة، عن تعاونه مع الفنان رامز جلال وقال: «رامز جلال صديق عزيز من زمان جدًا، وهو بيعمل كل الحاجات بتاعته من بره مصر، لكن الفيلم كان وقت الكورونا وما كانش ينفع الفريق اللي بيشتغل معاه في أمريكا ييجي مصر وهو كان أوريدي عمل الماسك، فهو كلمني علشان أتولى استكمال العمل».
وتحدث عن تحضيره حاليًا لفيلم بعنوان «الغربان» بطولة عمرو سعد ومي عمر، وقال: «فيلم متعب جدا فوق ما حد يتصور، إحنا صورنا أكتر من نص الفيلم على مدار أكتر من سنة وأعداد الناس وأشكالها مش من الحاجات اللي الناس شافتها قبل كده عندنا في السينما».
وعن تعلم مجال المؤثرات الخاصة والماكياج السينمائي، أوضح: «التعلم من خلال الكورسات والقراءة كتير وتمارسها كتير بنفس وتتعلم إيه الصح والغلط وده لازم يبقى له توجيهات علشان السلامة العامة علشان سلامة الموديل أو الممثل اللي معاك»، متابعًا: «أنا بقدم محاضرات من حين لآخر وبفكر قريب أعمل ورش، لأن معظم المعلومات اللي الشباب الجديد بيجيبها بياخدها من يوتيوب فبتبقى مش صحيحة بشكل كبير».
مواضيع ممكن تعجبك
أحدث الأخبار
