«عيش صباحك»| رامي الطمباري عن دوره في «صوت وصورة»: «كنت عاوز أخلّي شخصية الظابط شبه الناس»

استضاف يوسف التهامي وفانا إمام في حلقة اليوم من «عيش صباحك» على «نجوم إف.إم»، الفنان رامي الطمباري، للحديث عن أحدث أعماله الفنية.

وانطلق رامي في الحديث عن أحدث مشاركاته من خلال مسلسل «صوت وصورة» الذي انتهى عرضه مؤخرًا، ودوره (المقدم حسين) وقال إن «المقدم حسين كان متداخل مع الشخصيات والقضية، وأحيانا بيبقى متعاطف وساعات رجل قانون فقط».

وتابع: «دايما لما الشخصية بيبقى ليها جانب إنساني هو ده اللي بيظهر ويعلق مع الناس ويبتدوا يرتبطوا بيه وده اللي خلاهم يتعلقوا بشخصية الظابط، وبالعكس الظابط إنسان زينا وبيمر بكل ده، والكتابة كانت فيها خط إنساني خرّجت الظابط من ورا المكتب لإنسان طبيعي زينا»، مؤكدًا «أول ما اشتغلت عالمقدم حسين كنت عاوز أخليه شبه الناس وأبعد عن الفورمات المعروف عن الظباط في السينما».

كما أوضح الفنان رامي الطمباري «بحب أتكلم مع المخرج والمؤلف طول ما فيه مساحة وبيئة مرنة تسمح بده، لأن أنا اتعلمت في المسرح بروفات الترابيزة والمناقشة بين المخرج والفنانين، وأوقات المخرج اللي جوايا لما بيطلع بيسبب مشاكل فبحب ألتزم بدوري كممثل وما بتدخّلش طول ما هو مش متاح، لو متاح تمام لأن أنا بحترم فكرة القائد».

مسلسل «صوت وصورة» بطولة حنان مطاوع، ونجلاء بدر، وليد فواز، صدقي صخر، عمرو وهبة، رامي الطمبارى، فدوى عابد، هاجر عفيفى، أحمد ماجد، حمزة دياب، يوسف وهبى، إيمان الشريف، عماد صفوت، مروة عيد، أحمد شاهين، ميما شامى، أحمد سعد، أحمد أبو زيد، باتع خليل، آيات مجدي، سالي حماد، الطفلة لافينا نادر، ظهور خاص عايدة فهمي سعيد صديق، مجدي السباعي، وظهور متميز ناردين فرج ومراد مكرم ومن تأليف محمد سليمان عبد المالك وإخراج محمود عبد التواب.