استضاف كريم خطاب في حلقة الاثنين من «في الاستاد» على «نجوم إف.إم»، نجم الزمالك السابق صلاح سليمان.
وأوضح صلاح سليمان خلال اللقاء: «أكتر قرار ندمت عليه إني سيبت الزمالك وسيبت فلوسي ومشيت، وأنا كان عندي 23 سنة».
وأشار إلى رأيه في بعض المهاجمين الذين واجههم بالنسبة له كمدافع: «بابا أركو وعماد متعب كنت أتضايق لو هم في الملعب».
وتابع: «الأهلي فاوضني مرتين الأولى في المحلة والتانية بعد ما مشيت من الزمالك كنت هروح الشرطة العراقي علشان أرجع الأهلي، وأنا نفسيا ما قدرتش بعد ما مشيت الزمالك».
وأوضح: «عادي ناس في الزمالك أهلاوية وفي الأهلي زمالكاوية، علشان ده شغل، كان زمان فيه كابتن بركات زملكاوي في الأهلي، ومؤمن زكريا زملكاوي».
وحكى قصة طريقة له مع لاعب النادي الأهلي السابق محمد أبو تريكة وقال: «كابتن أبو تريكة كان بيلعب بجزمة بيحبها من اللي بنستلمها مع المنتخبات، وفي 2013 وأنا في الزمالك سألته عالجزمة فقال لي اسأل أحمد حسن وعبد الواحد السيد، وأنا كنت حلمت إن كابتن أبو تريكة هيجيب ضربة جزاء يمين أرضي، وبالفعل عملت في الماتش ضربة جزاء وكان هو اللي هيشوطها وروحت لكابتن عبد الواحد وقلت له الحلم، وبالفعل شاطها أبو تريكة في نفس المكان وكابتن عبد الواحد راح معاها لكن دخلت جول».
مواضيع ممكن تعجبك
أحدث الأخبار
