استضاف يوسف التهامي وفانا إمام في حلقة اليوم من «عيش صباحك» على «نجوم إف.إم»، الفنان رامي الطمباري، للحديث عن أحدث أعماله الفنية.
وأكد أن «مسلسل صوت وصورة مرحلة ونقلة في حاجات كتير، طبيعة الشخصية، والشخصيات في المسلسل عموما، وهو نجاح وفضل كبير من عند ربنا، ورد فعل الناس بيوصل».
وتطرق الفنان رامي الطمباري لجانب الأداء الصوتي في مشواره، وقال: «لما اتخرجت مع المعهد دخلت الجيش ولما خرجت كان قدامي المسرح واشتغلت في البيت الفني للمسرح وجالي في النص الدوبلاج مع إني ما اشتغلتش إذاعة غير نادرا مرة ولا اتنين، لكن اشتغلت دوبلاج مع ناس تقيلة ولها اسمها واتبسطت بتقديم شخصيات خاصة اللي الناس مرتبطة بيها ولغاية دلوقت بشتغله وأنا بحبه جدا، وهي تجربة شيقة وجمهورها مختلف».
وتحدث «الطمباري» عن علاقته بمواقع التواصل الاجتماعي موضحًا: «أنا ما بحبش السوشيال ميديا لما تزيد عن حدها وبتوترني، لأنها بتعيشك في عالم مش حقيقي وتكتشف إنك منعزل عن كل اللي حواليك، لكنها برده مهمة جدًا وبتعرفك كتير من اللي بيحصل حواليك وما نقدرش نستغني عنها لكنها تقف لحد معين، وما ينفعش تتبني أو تقف علاقات على أساسها».
وتابع: «ما ينفعش ممثل ما يهتمش بالصوت لأن دي شغلانة ولها أساسيتها ولو ما عملناهاش يبقى أي حد ممكن يمثل عادي، ولازم نقعد ونذاكر وندرس كل ده مش شرط الدراسة الأكاديمية، لكن أي حد عنده مشاكل في الصوت أو المخارج سهل جدًا يحلها، والممثل المفروض يأدي ويلاعبنا بصوته يعني أستاذ أحمد زكي سواء في حليم أو البيه البواب دي ما كانتش طبقات صوته».
وأشار إلى أن «ناس كتير دخلت التمثيل علشان شكلها حلو لكن علشان تفضل معلم مع الناس لازم تدور وتتعلم علشان تستمر».
وعن مشاريعه الجديدة، قال: «حاليًا عندي مسلسل جديد في رمضان هو مسلسل نعمة الأفوكاتو مع المخرج محمد سامي والفنانين مي عمر وأحمد زاهر.
مواضيع ممكن تعجبك
أحدث الأخبار
