حكى الفنان الشاب يوسف عمر عن علاقته بوالدته الفنانة القديرة لبنى ونس خلال لقائه في «عيش صباحك» على «نجوم إف.إم» مع يوسف التهامي وفانا إمام، اليوم الخميس.
وعن استشارته لوالدته في أعماله الفنية قال: «بستشير والدتي كده كده قبل ما أوافق وبقعد مع نفسي أحضّر وببدأ أتكلم معاها، بحب أعدي الموضوع على دماغي الأول وأشوف هطلع بإيه وبعدين أستفيد منها».
كما تحدث عن نصائحها له، وأوضح: «أكتر حاجة بتقول لي خلي بالك منها إني دايما أهتم بشغلي أوي ويبقى عندي ضمير لأن الموضوع كبير ومهم وأكتر حاجة خايفة منها إني ما أبقاش مهتم بالتمثيل مع الوقت، وبتقول لي إن مهما كبرت التمثيل هو التمثيل وتعمل نفس المجهود طول الوقت».
وعن فكرة العمل معها في عمل واحد، قال: «دور مع والدتي هبقى متحمس أكيد وإحنا اشتغلنا مع بعض قبل كده فيلم قصير وكان لذيذ أوي، وأنا بفصل وما ببقاش بفكر في حاجة غير الشغل وهي اللي معوداني على ده وإحنا في اللوكيشن بنشتغل وحتى لما بنتكلم بنتكلم في الشغل بس».
*صورة من حساب يوسف عمر على إنستجرام
مواضيع ممكن تعجبك
أحدث الأخبار
