تحدث الفنان الشاب يوسف عمر عن المقارنة بين الدراسة في معهد التمثيل والورش الفنية خلال لقائه في «عيش صباحك» على «نجوم إف.إم» مع يوسف التهامي وفانا إمام، اليوم الخميس.
وقال: «ممكن الورش تنمي عندك حاجات وهي مهمة جدًا لكن الفكرة في المعهد إنك بتدرس لمدة 4 سنين يوميًا بتدرس وكل سنة بتعمل مشاريع علشان تنجح فبتبقى مربوط إنك بتعمل 5 مسرحيات في السنة غير الحاجات التانية، لكن الورش مهمة طبعا».
وتحدث عن الأدوار التي يحب أن يقدمها، وقال: «نفسي أعمل أي دور مختلف عني، الدور اللي أحتاج أذاكر له علشان أعمله»، مشيراً إلى تأثره وحبه للفنان كريم عبد العزيز وتمنيه للعمل معه، وكذلك العمل مع المخرجين مروان حامد وعمرو سلامة.
وأكد الفنان الشاب يوسف عمر: «أنا لسه في مرحلة محتاج أجرب حاجات كتير وأتعرف على نفسي أكتر علشان أشوف أنا ممكن أقدم وأعمل إيه وحاسس إن المرحلة دي ما بتخلصش لأني بعد أي عمل محتاج أعرف نفسي أكتر وأتطور أكتر».
وعن علاقته بوسائل التواصل الاجتماعي، أوضح: «السوشيال ميديا أكيد حاجة بتساعد على الانتشار وإنك تبين نفسك لعدد أكبر من الناس، برغم إني مش نشيط أوي عالسوشيال ميديا بس شايف إنها حاجة مهمة طبعا، وأنا بعرف ردود الفعل من بابا وماما في البداية وبدخل أشوف الناس بتقول إيه ومبسوطة ولا لأ، وما بتضايقش من ردود فعل الجمهور لأنهم بيبقوا متأثرين بالشخصية فبيبقوا متضايقين من الشخصية نفسها مش مني فبيبدأوا يتكلموا معايا على أساس إن ده أنا فطالما هو وصل له ده فده تمام لأن ده كان هدفي إن الدور يوصل له
كما كشف عن فيلمه الجديد الذي ينتظر عرضه وهو فيلم «الحريفة» وهو فيلم شبابي يتحدث عن كرة القدم وينتظر عرضه خلال شهر تقريبًا.
مواضيع ممكن تعجبك
أحدث الأخبار
