استضاف يوسف التهامي وفانا إمام في حلقة اليوم الخميس من «عيش صباحك» على «نجوم إف.إم» الفنان الشاب يوسف عمر للحديث عن أحدث أعماله الفنية.
وحكى الفنان الشاب عن بداياته الفنية ودخوله عالم الفن، والذي تعرّف عليه من والدته الفنانة القديرة لبنى ونس وأوضح: «وأنا صغير اشتغلت مسرحية بس وماما كانت هي السبب إني أشتغل فكان عندي علاقة مع التمثيل وأنا صغير لكن لما كبرت قررت أدرس وقدمت في معهد فنون مسرحية ودرست واتعرفت على عالم التمثيل».
وحكى عن أحد أحدث أعماله وهو دوره في «ليه لأ 3» بدور «شربيني» الشاب المستهتر والشرير نوعًا ما، وقال: «التجربة دي شوفتها قبل كده في حياتي فضيفت حاجات من اللي شوفتها في حياتي، وقدمت الشاب اللي عايش لوحده ومالوش كبير وباباه بيبعت له فلوس لكن في النهاية هو عنده نقاط ضعف كتير وهو جدع لكن بيأذي الناس اللي حواليه».
كما حكى عن تقديمه فترة زمنية مختلفة في مسلسل «ستات بيت المعادي» في فترة الثمانينيات، في دور «تامر»، وعن تحضيره لهذا الدور، أوضح: «قعدت مع بابا كتير وفضلت أسأله عن الفترة دي وبيقولوا إيه وبيسمعوا أغاني إيه».
وعن أحدث أعماله وهو فيلم «أولاد حريم كريم» والذي يعد استكمالًا للجزء الأول «حريم كريم» بعد 18 سنة، قال الفنان يوسف عمر: «هو فيلم عائلي لذيذ والكواليس كانت جميلة وأستاذ مصطفى قمر كان عامل جو جميل وكنا حاسين إننا في البيت».
وأضاف: «كنت متحمس أكتر من إني خايف وأول ما سمعت عن التحضير استغربت إن هيتعمل جزء تاني لكن اتحمست لأن الجزء الأول أنا حافظه تقريبا».
وأوضح يوسف: «الناس كانت متخوفة لأن الجزء الأولاني علامة وكانوا خايفين الجزء التاني ما يبقاش عالمستوى، لكن أنا شايف إنه في الزمن بتاع الجزء الأول كانت فيه روح مختلفة لكن دلوقت الموضوع والزمن مختلفين، فالناس كانت متخوفة من ده وكمان فريق عمل الفيلم لكن النتيجة طلعت كويسة والموضوع كان مُرضي لكل الناس».
مواضيع ممكن تعجبك
أحدث الأخبار
