ابنة الراحل سامي العدل تحكي الساعات الأخيرة قبل وفاة أخيها أحمد

حكت رشا سامي العدل الساعات الأخيرة في حياة أخيها أحمد سامي العدل قبل وفاته أمس السبت.

وكتبت رشا عبر حسابها في «فيسبوك»: «قاعدين علي البحر في دهب في ساعة غروب بنضحك و بنعيط سوا و نشتكي لبعض قد ايه ابونا وحشنا و قد ايه الحياة من غيره صعبة فضفضنا لبعض و وعدنا بعض بحاجات كتير… رجع القاهرة علي وعد بلقاء قريب نتجمع فيه تاني».

وأضافت: «وجه اللقاء بعد مكالمة تليفون الحقي أخوكي تعبان في المستشفى جريت عليه لقيت التعب والألم زايدين علي عمره عمرين مش عارف يتنفس و كلامه بصعوبة قعدت اكلمه و اضحكه و أحاول اهون عليه شوية و اسيبه يرتاح شوية …  و في عز محاولاتي نقله لمستشفى تانية فقد نبض قلبه لثواني قدامي اتخضيت الدكاترة طمنوني و قالوا مفيش حاجة اهو زي الفل بس قلبي وجعني و لقيتني بقول له عايزاك تسبح و تقول الشهادة معايا و تفضل تقول كل القرآن اللي انت حافظه يا دوبك لفيت ظهري ولسه هاخرج أشوف موضوع الإسعاف و نقله لقيت دكاترة و ممرضين في كل حتة حوالين احمد بيحاولوا ينعشوه ٣٨ دقيقة علي الساعة محاولات و انا واقفة قدامه قلبي بيتقطع وروحي انا بتطلع مني ماسكة في خيط امل من الدخان اتقطع ب اخر نفس منه …. وراح أحمد، أخويا الصغير الطيب الحنين الهادي».

اقرأ أيضا‎

وفاة الفنان الشاب أحمد العدل نجل الراحل سامي العدل

أحمد سامي العدل هو ممثل ومخرج مصري ابن الفنان الراحل سامي العدل، وكان يعمل كمساعد مخرج، وشارك بالتمثيل في مسلسل «فوق مستوى الشبهات» بطولة الفنانة يسرا، ومن أعماله مسلسل «حارة اليهود» وفيلم «المهاجر»، وشارك كمساعد مخرج في «الحساب يجمع» و«ضد الكسر».

صورة من حساب رشا سامي العدل على فيسبوك