«بيت العز»| الإعلامية نجوى إبراهيم: «الرجل بيزهق أسرع.. والست قدرتها أكبر عالتحمل»

تحدثت الإعلامية نجوى إبراهيم في برنامج «بيت العز»، برعاية البنك الأهلي المصري، على «نجوم إف.إم» عن فكرة الضجر من الأشخاص والأشياء بشكل عام.

وقالت: «اللي بيطفش أكتر هو الراجل، لأن الست هي المتهمة إنها نكدية وإنها عندها قدرة أكبر على التحمل وده بيحصل في العالم كله، وبره دايمًا فيه الست الـ(سنجل ماذر) يعني الأم اللي جوزها سابها وبتربي أولادها لوحدها».

وتابعت: «فيه نوع طفشان إن الشخص يبقى معاك في البيت وكأنه مش موجود، مركز في الموبايل أو الإنترنت طوال الوقت».

وأضافت: «في نوع من الطفشان وهو الكارير شيفت إن الشخص يزهق من الشغل بتاعه ويغيره بشغل جديد هو بيحبه أو عاوزه».

وأشارت إلى: «إمتى تحس إنك عاوز تطفش، بالنسبة للرجل فهو بيزهق بسرعة، وفيه دراسة أجروها على مرضى رجال ونساء يشوفوا مين اللي بيستحمل الألم أكتر، فالمرأة عندها قدرة أكتر على تحمل الألم الجسدي وكمان النفسي، الرجل لأ حتى لو كانت قوته الجسدية كبيرة، فهو بيطفش ويزهق أسرع».

يذكر أن “بيت العز” برنامج تقدمه الإعلامية القديرة نجوى إبراهيم، الخميس من كل أسبوع، من الساعة 1 إلى 2 ظهرًا.