تحدث المنتج جمال العدل عن إنهاء التعاون الرمضاني مع الفنانتين يسرا ونيللي كريم بعد أعمال متتالية ناجحة في موسم رمضان.
وأوضح في تصريحات لـ«ET بالعربي»: «أنا متفق مع نيللي ويسرا من قبل رمضان اللى فات ده وقبل عرض مسلسل عملة نادرة، اننا مش هنشتغل مسلسلات رمضان تاني مع بعض ومفيش مفاجأة لا ليها ولا ليا، وأنا وصلتها لحتة في منتهى الجمال».
وتابع: «بالنسبة لي حلو يبقى معاك نجم سنين طويلة وتفكر له وتعمل له، ولكن حلو أكتر أنه يكون معاك نجوم كتير تختار لها وتشوف الموضوعات اللي تعجبها وهي كمان يبقى معاها شركات تاني كتير».
وعن حقيقة وجود خلاف بينها وبين الفنان محمد رمضان بسبب بوستر فيلم «عالزيرو»، قال جمال العدل: «نيللي كانت راضية تتصور خلف محمد فراج في مسلسل ضد الكسر.. وأنا قلت لفراج نيلي أهم منك بكتير..وأكيد مش زعلانة من محمد رمضان..هل محمد رمضان راسه أعلى من راسها؟».
وأضاف: «لو زي ما بيتقال أن نيللي زعلانة عشان بوستر الفيلم، طب ما هي في بوستر فيلم “ڤوي ڤوي” مع محمد فراج، ظاهرة وراه زيها زي ممثل شاب صغير».
مواضيع ممكن تعجبك
أحدث الأخبار
