استضاف يوسف التهامي وفانا إمام في حلقة اليوم من «عيش صباحك» على «نجوم إف.إم» الفنان محمد عبد العظيم للحديث عن آخر أدواره الفنية.
وتحدث الفنان محمد عبد العظيم عن تأثير إيفيهاته في مسلسل «بـ100 وش»، وقال: «بحب إيفيهات بـ100 وش لكن لما بيطول بحسه استهلاك علشان كده انبسطت بإيفيهات المعلم سيد، لأن بخاف من كده لأن ناس اتشهروا بإفيه واحد طول عمرهم، وده فقر في الإبداع، لكن لازم يكون دايمًا فيه جديد».
وعن علاقته بالسوشيال ميديا، قال: «أنا موجود على السوشيال ميديا وبتابع طول الوقت وفيه آراء هايلة ومحترمة وفيه ناس بتهاجم وناس بتقول كلام عايم وأنت بتفرز».
كما تطرق لتقديمه 4 أدوار في رمضان الماضي بينها 3 شخصيات رئيسية وضيف شرف، وأوضح: «أن مش من مدرسة التقمص الكامل مع الشخصية، الممثل لازم يبقى عنده وعي وشايف نفسه وهو بيؤدي الشخصية ومع الوقت والتدريب بتعرف تسيطر على الشخصيات».
وتابع: «بحب الأدوار التاريخية وأنا ما عملتهاش قبل كده نفسي مثلا أقدم حاجة من عصر المماليك أو التاريخ الديني، وبحب دوري في بـ100 وش ودوري في واحة الغروب».
كما تطرق إلى عمله بالمسرح وقال: «أنا مسرحجي لكن بحب السينما، والمسرح ده هو الجيم بتاع الممثل وبيربي عضلاته، وبيخلي لياقتي في أعلى مستواها لأنك بتشتغل كل يوم بتمثل ورد فعلك سريع ولازم تتصرف طول الوقت مع رد فعل الجمهور المباشر».
وعن جديده خلال الفترة المقبلة، قال: «خلصت تصوير فيلم البعبع هيتعرض في عيد الأضحى وبعمل مسلسل على باب العمارة هيتعرض على إحدى المنصات وبعمل فيه دور كوميديا فارس، وفيه فيلم برشامة مع أستاذ خالد دياب».
مواضيع ممكن تعجبك
أحدث الأخبار
