عايدة رياض لـ«أسرار النجوم»: «مسلسل الهرشة السابعة كان واقعي للشباب وحتى للكبار اللي زيي»

استضافت إنجي علي في حلقة اليوم الخميس، من «أسرار النجوم» على «نجوم إف.إم»، الفنانة عايدة رياض، للحديث عن أحدث أعمالها الفنية.

وعن أحدث أعمالها في رمضان 2023 مسلسل «الهرشة السابعة»، قالت: «الهرشة السابعة كان واقع، والأستاذة مريم نعوم طبعا حاطة إيديها وبتتعب وبتنقب عن المشاكل اللي موجودة عندنا دلوقت، والمسلسل كان واقعي بالنسبة للشباب وحتى للكبار اللي زيي».

وتابعت: «كريم الشناوي مخرج شاب جميل، وحساس وليه رؤية خاصة في الأداء وبيحب البساطة بشكل كبير جدًا، عندنا شباب كتير مخرجين وتصوير وإضاءة وكل شيء، وفيه كمان طفرة فنية في التأليف من خلال الورش خلال الخمس سنين اللي فاتت وأتمنى تبقى أكتر وأكتر».

كما أشادت بزميلتها في العمل الفنانة حنان سليمان وأدائها، قائلة: «حنان سليمان ممثلة جامدة جدا وعملت دورها بجدارة، والواحد دلوقت ما بيصدق يلاقي دور للمرحلة العمرية بتاعتنا».

كما تطرقت لمشوارها وحياتها، وقالت: «كل الحاجات اللذيذة والصعبة اللي مريت بيها في حياتي فادتني في شغلي، زي تعب بابا وأنا صغيرة، وكل ده علمني مين اللي وقف معايا ومين ما وقفش معايا».

كما حكت عن ذكرياتها مع زوجها الفنان الراحل محرم فؤاد، وقالت إن أبرز أغانيه المحببة لها هي: «رمش عينه، الحلوة داير شباكها، يا حبيبي قول لي آخرة جرحي إيه».

وأكدت: «أنا ضد اللي بيقول مفيش حب لا فيه حب، وكل عصر ليه أسلوبه، وأغاني المهرجانات فيه في بعضها كلمات جميلة جدا، أحيانا بسمع بلاقي كلام ليه معنى لكنه سريع زي عصرهم وطريقتهم، زي زمان كان فيه المونولوجيست إسماعيل يس وشكوكو».