توفي الفنان هشام سليم اليوم الخميس عن عمر 62 سنة بعد صراع مع مرض السرطان.
وكان الفنان الراحل حل ضيفًا على إذاعة «نجوم إف.إم» في عدد من برامجها كان آخرها في برنامج «جون مشترك» مع كريم خطاب رمضان الماضي، وتحدث فيه بشكل أساسي عن علاقته بكرة القدم ووالده صالح سليم وبداياته الفنية.
وقال هشام سليم: «من الحاجات اللي خلتني أهلاوي إن أبويا بيلعب في الأهلي، ولما كبرت بقى كان هو بطل كورة وكنت بحب جيل الخطيب وطاهر الشيخ ومصطفى عبدة وأنا لعبت في الأهلي وأنا صغير بس اقتنعت إني مش كويس».
وعن بداياته الفنية قال: «جت صدفة إن مدام فاتن حمامة وعمر الشريف كانوا صحاب أبويا وأمي، فلما كبرت شوية مدام فاتن طلبت إني أعمل معاها دور فيث إمبراطورية ميم، فأبويا سألني، فقلت له أجرب، قال لي لو قررت مفيش صيف ولا بحر ولا أصحاب وهتقعد هنا وهتشتغل، وبعد إمبراطورية ميم بـ3 سنين، وأنا مستني أتوبيس المدرسة تحت بيت يوسف شاهين، شافني وعملت معاه عودة الابن الضال، وبعد 5 سنين قررت أشتغل في السينما خلاص».
وأضاف: «ما كنتش بشجع فريق بره مصر لحد ما صلاح راح ليفربول فبقيت بشجع ليفربول وصلاح وبتضايق لما بيلعب دون المستوى وبفرح له كل ما يحقق نجاحات وأرقام قياسية وخايف عليه يسيب ليفربول لأنه حاسس بينتمي ليه أكتر».
وتابع: «كنت أذهب للاستاد كل يوم جمعة والأهلي كان يفوز دائما في وقت هيديكوتي كان مدربا للأهلي، وكان يعجبني محمد أبوتريكة كان لاعبا جميلا ولا ننسى له مباراة الصفاقسي والهدف الذي أراد ربنا أن يسكن شباكهم ونجلب بطولة غالية»
وأردف: «أنا بحب أشاهد المباريات لوحدي وكل واحد يرى اللعب بطريقته ووجهة نظره، واللي حبيته جدا وأقدره هو محمد صلاح وعانى كثيرا لكي يصل لمكانته الحالية ويصل للأطفال الصغار لكي يحبوا الكرة».
واستطرد: «والدي لم يكن يتكلم في الكرة داخل البيت وكان حاجة غريبة جدا، ولم يكن يذكر سيرة الأهلي في البيت، أنا أحب حسن شحاتة أكثر من الجوهري فهو جلب لنا 3 بطولات وأحب أخلاقه وهو لاعب وكان يلعب بشياكة، ولم أرى الجوهري كلاعب، ومحمود الخطيب أسطورة لن يتكرر، وحسن شحاتة أيضا أسطورة ولكنهما يختلفان في طريقة اللعب».
وأكد: «عُرض عليّ كثيرا تقديم شخصية صالح سليم في السينما ورفضت وكان لديه حضور رباني جميل، وفيه ناس من زمان عرضوا علي عمل القصة والتمثيل بها، لأني مش عارف القصة وما المكتوب فيها ومش مستعد أبوظ سيرة والدي لكي أقدم سيرته الذاتية ومفيش حتى الآن ممثل شبيه له».
مواضيع ممكن تعجبك
أحدث الأخبار
