اتهم الفنان باسم سمرة زميله الفنان أحمد السقا بالتدخل لإنهاء دوره في «الجزيرة» بقتل شخصية «حسن» في الفيلم.
وقال خلال الجزء الثاني من حواره للإعلامي عمرو الليثي في «واحد من الناس»: «في الجزء التاني من الجزيرة أنا لو موجود كانوا كلهم هيقعدوا في البيت علشان أنا أشطر واحد، أشطر من السقا بكتير وهو في حتة وأنا في حتة، وموتي كان مقصود».
وأضاف أن هذا الأمر تكرر في فيلم «إبراهيم الأبيض» لكن دوره تمت إزالته كاملًا، موضحًا: «في إبراهيم الأبيض شالوا دوري لأن وجودي برده كان هيعمل قلق، عملت دور أكتر من رائع وبنط من الدور السابع وكان فيه مخاطرة كبيرة ووقت الافتتاح لقيت كله اتقص وكان فيه كمان أحمد رزق وما ظهرش ولا لقطة، وأنا في رأيي قلت السبب هو أحمد السقا، وأنا مش زعلان، هو اللي خسران، وأنا سألت السقا قالي أنا مالي ماليش دعوة أنا مش المخرج ولا المنتج، وسألت المخرج مروان حامد قال لي الجرافيك ما ظبطش».
وتابع: «ما كانش حد متوقع نجاح الجزيرة ولا رد الفعل على شخصية حسن اللي عملتها لو نزلت الصعيد وقلت الجزيرة هيقولولك محمود ياسين وباسم سمرة مش السقا».
ورد مؤلف فيلم الجزيرة محمد دياب على تصريحات «سمرة» وقال على «فيسبوك»: «الموهوب باسم السمرة صرح إن النجم أحمد السقا هو اللي ورا موته في فيلم الجزيرة واستبعاده من الجزء التاني، كمؤلف لفيلم الجزيره شهادتي ان احمد السقا عمره ما تدخل في حرف في السيناريو، مخرج الفيلم الاستاذ شريف عرفه معندوش نجوم يفرضوا رأيهم ولا حتى يتدخلوا في العمل. شخصيه “حسن” اللي لعبها باسم السمرة مستوحاة من شخصية حقيقية ماتت في الحقيقة وده سبب إني اخترت أموت الشخص، اللي متفق فيه مع باسم إنه ممثل عبقري ويستحق أكتر من النجومية والنجاح اللي هو فيه».
مواضيع ممكن تعجبك
أحدث الأخبار
