تحدث الفنان باسم سمرة عن أحد أكثر أدواره شهرة وإثارة للجدل وهو فيلم «عمارة يعقوبيان»، وتفاصيل قبوله للدور.
وقال خلال لقائه مع الإعلامي د. عمرو الليثي في «واحد من الناس» عن دوره في «عمارة يعقوبيان»: «الفيلم ده هو تقريبا سبب شهرتي أنا وخالد الصاوي رغم إنه كان محل انتقاد»، مؤكدًا «مش أي حد يعمل الدور ده لازم تكون واثق من نفسك ومتمكن من أدواتك علشان تعمله، وشخصيتك قوية علشان كمان بعد الدور تقدر تواجه الناس».
وأوضح «ما كنتش قلقان من الدور، يكون معايا عادل إمام وأقلق!.. ده مصر كلها كانت في الفيلم أساسا»، مشيرًا إلى أنه كان يتطلع لتجسيد دور آخر قائلًا: «أنا قريت الرواية بتاعت علاء الأسواني وكان نفسي أعمل دور ابن البواب اللي عمله محمد إمام لكن لما جه المخرج مروان حامد قال لي هتعمل دور عسكري الأمن المركزي وهو كان تقريبا البطولة الموازية لابن البواب، في الأول اتخضيت لكن لما قريت كويس لقيت الدور ده أصعب وهو اللي هيسب علامة والأستاذ عادل إمام أشاد بيا إشادة عظيمة يعني».
«عمارة يعقوبيان» عُرض سنة 2006، من إخراج مروان حامد، وهو مبني على رواية علاء الأسواني بنفس الاسم. جاء اسم الفيلم من اسم عمارة موجودة بشارع طلعت حرب بناها المليونير هاغوب يعقوبيان عميد الجالية الأرمنية في ثلاثينيات القرن العشرين.
مواضيع ممكن تعجبك
أحدث الأخبار
You must be logged in to post a comment.