استضافت إنجي علي في حلقة اليوم الخميس من «أسرار النجوم» على «نجوم إف.إم»، الفنانة عبير صبري للحديث عن أعمالها الفنية الأخيرة.
وتحدثت عبير عن مسلسلها «خيانة عهد»، وقالت: «كان أول تعامل ليا مع العدل جروب وكان شرف ليا وكنت بتمناه، والعمل كان فيه صعوبة بالنسبة لي، وكان فيه مميزات كتير زي شركة الإنتاج وأحلى حاجة في الدنيا يسرا وهي حاجة حلوة، واتعلمت منها كتير، هي طاقة من الحب والفرح والجدية في العمل، وبتصدر للآخر أجواء حلوة طول الوقت علشان كده تفضلي عاوزة تكوني حواليها وهي بالنسبة لي أيقونة الستات في الوطن العربي».
وعن شخصيتها في العمل: «فكرت أعمل الأم إزاي فبدأت أفكر في حاجات أهرب بيها، زي إنها تبقى في مواقف الضحك تضحك أكتر منهم وفي العصبية تتعصب أكتر، وده خلا بعض الناس تتعاطف مع الشخصية مش تكرهها».
كما تطرقت لمشاركتها في مسلسل «موسى» مع المخرج محمد سلامة واصفة إياه بأنه خليفة المخرج الكبير يوسف شاهين، مؤكدة أن الشخصيات التي تقدمها لا تشبه شخصيتها العادية فهي هادئة ولا تحب حتى رد الإساءة إلى أي شخص.
وعن تكدس الموسم الرمضاني قالت: «المشاهدة فيه بتبقى عالية لكن بره رمضان بلاقي الناس مرتاحة أكتر في المشاهدة لكن برده أحب أكون موجودة في رمضان»، مؤكدة أن أسباب عدم قبولها لشخصية ما هو «أن تكون شخصية مكررة أو مش هقدم فيها حاجة أو الورق كله على بعضه مش أوي أو فريق العمل مش لافت نظري».
وعبرت عبير صبري عن ندمها على تقديم بعض الأعمال في بداياتها ضابة المثل بمشاركتها في فيلم «فلاح في الكونجرس» مع الراحل شعبان عبد الرحيم عام 2002.
مواضيع ممكن تعجبك
أحدث الأخبار
