كتبت الفنان الشابة سارة عبد الرحمن كلمات مؤثرة تنعى بيها الفنانة دلال عبد العزيز التي وافتها المنية مطلع الشهر الجاري.
وحكت «سارة» عن بداية العلاقة بينها وبين الفنانة القديرة الراحلة والتي انطلقت في كواليس مسلسلهما «سابع جار» التي جسدت فيه الراحلة دور والدتها.
ونشرت صورة تجمعها بالراحلة داخل المسجد خلال تصوير أحد مشاهد العمل عبر حسابها على «فيسبوك».
وكتبت سارة: «يمكن لو كتبت استوعب؟ ماعرفش بس أما بافكر أكتب باحس إن مفيش كلام يكفي. عشان أكون صريحة البداية ماكانتش حب من أول نظرة خالص.. أخدنا شوية وقت و كام موقف كدة عشان نحب بعض و شوية وقت كمان عشان نكون أصحاب».
وتابعت: «بس بعديها عرفت يعني إيه صداقة و يعني إيه ضهر و يعني إيه لذاذة و ضحك و يعني إيه بركة و يعني إيه تواضع و يعني إيه طيبة نقية كدة من غير اي حاجة. كل ده كوم و الحاجات اللي اتعلمتها في الشغل اللي هاتفضل حلقة في ودني كوم تاني».
وأضافت: «باكتب و برضه مش قادرة لسه أصدق و عمالة أسمعك و أنتي بتقوليلي “ياللا يا نصاابة”، ديدي، أنا باحمد ربنا إني عرفت ملاك زيك و عمري ما هانساكي أبداً عشان أنتي ماتتنسيش. وحشتيني أكتر مانتي كنتي أصلا وحشاني. بحبك».
مواضيع ممكن تعجبك
أحدث الأخبار
You must be logged in to post a comment.