بعد تعليقات مسيئة تلقاها لاعب النادي الأهلي عمرو السولية، عقب نشر صورته مع ابنته ليلي عبر صفحته على موقع التواصل الاجتماعي “انستجرام”، قرر اتخاذ موقف جاد ضد المتنمرين ضده وضد ابنته.
كان عمرو السولية، قد نشر صورًا لع مع ابنته عبر موقع “انستجرام”، وكتب عليها “كل شيء بالنسبالي”، قبل أن يواجه بمجموعة من التعليقات المسيئة له ولابنته البالغة 3 سنوات ونصف.
وعقب نشر تلك الصور عبر صفحته، قرر السولية نشر صور من تلك التعليقات المسيئة، مؤكدًا نيته تقديم بلاغات ضد المسيئين.
View this post on Instagram
وقال: “ليلى بنتي عندها ٣ سنين ونص (لسة قالعة البامبرز من كام شهر)، والكلام ده بيتقال على طفلة!! ايه اللي يخلي (بني آدم) ممكن يبص على لبس طفلة و يركز غير انه فعلاً خنزير؟! إيه المرض ده”.
وتابع عمرو السولية: “دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، واتمنى اللي بيبرروا للتحرش ولبس البنت يكونوا مبسوطين دلوقتي وهما شايفين اللي بيحصل”.
وأكمل لاعب الأهلي: “قررت اتقدم ببلاغات لأصحاب الكومنتات دي عشان اللي زي دول مينفعش يكبروا وسطنا قررت أحمي بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده”.
مواضيع ممكن تعجبك
أحدث الأخبار
