بعد ما اتخرجت من الجامعة سنة 2013، اشتغلت شغلانات كتير؛ ملقتش نفسي غير في مجال الإعلانات اللي قعدت في أكتر من 5 سنين، لحد ما جت صدفه غيرتلي كاريري المهني وحولتني من شخص بيكتب وبيطلع أفكار إعلانات لمعلق صوتي كمان ومنها اشتغلت مذيع راديو في واحدة من المحطات في 2018 لحد ما جيت “نجوم إف إم”.
ممكن تكون سمعت صوتي في إعلانات شفتها على التليفزيون أو بتتذاع في الراديو.. بس عمرك ما هتكون عرفت شكلي عامل إزاي.
فا وأنت في طريقك للشغل أو لو مخلص الشيفت بتاعك ومروح أو صاحي الصبح ومش لاقي حاجة تعملها، تقدر دلوقتي تسمعني على «نجوم إف إم» أو تشوفني على «نجوم إف إم TV» كل يوم في برنامج «عيش صباحك» من الساعة 8 للساعة 10 صباحًا.
