تستمع الآن

فرح شيمي

اسمي فرح شيمي.

رغاية وبحب الكلام.

كانت نكتة وهزار بيني وبين صحابي اني لازم اشتغل في الراديو.

بس الموضوع قلب بجد.

بحب الكتابة جداً! بالنسبة لي ده وسيلة التعبير عن نفسي الوحيدة اللي بتريحني. الناس لذاذ، بس الورقة والقلم بيحفظوا اسرارك.

الكتب، الافلام، المسلسلات، الاغاني والاكل دول مكملات حياتية اساسية. من غيرهم مخنا يصدي وجسمنا يموت – شكلاً ومضموناً.

بحب اليوجا والغطس اوي. في حاجات كتير ممكن تكتشفها عن نفسك في الاتنين دول – خصوصاً اني رغاية وبفرك، فاليوجا والغطس علموني الهدوء والصبر.

اكتر حاجة بعشقها هي الحيوانات!

دول عهدة في رقبتنا على الارض، نفسي نحسن معاملتهم ونهتم بيهم اكتر من كده او على الاقل بس مانأذيهمش.

همم… سؤال الهدف ده يببان كليشيه اوي، بس انا فعلاً مؤمنة ان الكلمة قوة نقدر نهد ونبني بيها. وانا نفسي نبني عالم احسن – مش بس على الورق زي في كتاباتي، بس كمان على الواقع.

بقدم برنامج “كلاكيت” كل يوم أثنين وأربعاء من الساعة 11 صباحا وحتى 12 ظهرا.

برامج فرح شيمي