عبّرت الفنانة هند صبري عن سعادتها وفخرها بعرض فيلمها «بنات ألفة» في المسابقة الرسمية لمهرجان كان في نسخته الـ76.
وقالت في لقائها مع مجلة «سيدتي»: «ما كناش متوقعين النجاح ده لأن نوع الفيلم هجين بين الحقيقة والخيال وأنا بمثل شخصية حقيقية موجودة معايا في الفيلم.. وأنا من الأول قلت لها أنتي أم وأنا أم والظروف والعالم مختلفين لكن فيه حاجة مشتركة إني حسيت إن لو حصل ده لبناتي أنا هعمل زيها وفي الآخر مش هحكم عليها هي أم عنيفة وهي سبب سفرهم للجهاد».
وعن عودتها مرة ثانية لمهرجان كان بفيلم مشارك في المسابقة الرسمية بعد فيلم «صمت القصور» في 1994، قالت: «من 29 سنة بالظبط كنت هنا في فيلم صمت القصور، وفي السنين دي حصل حاجات كتير أوي، وأنا محظوظة إني وأنا 14 سنة اعمل فيلم ييجي كان ويمكن وقتها كنت حاسة إن أول فيلم ويروح كان حسيت إني ما عملتش وقتها حاجة تستاهل ده لكن بعد 29 سنة مشوار وشغل وأعمل فيلم خارج حساباتي التجارية بميزانية محدودة، حسيت إني ما خنتش الممثلة اللي جوايا، وعملت اسم أنا فخورة بيه النهارده».
«بنات أُلفة» إنتاج تونسي، إخراج وتأليف كوثر بن هنية وإنتاج حبيب عطية ونديم شيخ روحه، وهو مستمد من قصة حقيقية لسيدة اسمها «ألفة» لديها أربع بنات وكيف ترى المخرجة والمؤلفة حياة هذه السيدة سينمائيا بطريقة تجمع بين الوثائقي والدراما كأنه فيلم وثائقي عن الفيلم نفسه، وكان الفيلم السابق لنفس المخرجة كوثر بن هنية بعنوان «الرجل الذي باع ظهره» ترشّح للأوسكار.
*الصورة نقلا عن الصفحة الرسمية للفنانة هندي صبري على إنستجرام.
مواضيع ممكن تعجبك
