يمر اليوم 14 فبراير عيد الحب العالمي الذي يعد عيدًا رمزيًا للتعبير عن الحب في حياتنا مهما كانت أشكاله، حب الزوج لزوجته وحب الابن لأمه والأخ لشقيقته وكل علاقات الحب في حياتنا.
وفي التقرير التالي، نستعرض معكم ماذا قال ضيوف «نجوم إف.إم» عن الحب وتعريفهم له وعلاقته بفنهم، من خلال لقاءاتهم على الهواء.
«مفيش فن من غير حب ومفيش حب من غير فن، ما تقدريش تفصلي الاتنين، ممكن يلهيها عن الجواز لكن أكيد فيه حب في حياتها، وممكن نوع معين من الحرمان يديكي طاقة ومشاعر معينة لشغلك، وأنا في رأيي الحب أهم حاجة في الحياة الواحد ما يقدرش يعيش من غير حب ده النفس».
«الحب تصرف مش كلمة، اللي يفرق التصرف مش الكلمة ما ينفعش واحد يقول لواحدة طول النهار بحبك وبموت فيكي وكل شوية تكتشف علاقة ليه، وحتى لو ما قالش كلمة حلوة لو حط إيده عليا وأنا تعبانة دي حب».
«بحب الفالنتاين جدا لأني بحب الحب والناس والحياة فالفالنتاين ده جزء مكمل وبالنسبة لي كل الأيام هي فالنتاين، وأنا بحب أدلع وأقدر الست، أنا حبيت أمي جدا وهي ست مختلفة عن ستات كتير جدا مثقفة ودارسة وعلمتنا إزاي نعلم نفسنا، سيدة مجتمع بالمعنى الصحيح.. وكانت ست بالنسبة لي مثل أعلى».
«أنا مؤمنة إن قصص الحب اللي بنشوفها في التلفزيون والسينما مش هي قصص الحب في الحياة، كل قصص الحب وإن كان فيها بعض النقاط المشتركة فيها حاجات كتير مالهاش علاقة ببعض، زي بسمة الأصابع، وفيه ناس بيقعوا في فخ إسقاط قصص التلفزيون على حياتهم فيطبقوها في الواقع، حل الواحد يتفرج على الأحاسيس دي علشان تعلي أجواء الحب، لكن يراعي خصوصية علاقته.
قصص الحب بتختلف في مراحل حياتنا، يعني الحب الأول كنا فاكرينه الحب الخطير اللي ما حصلش، والحب كله صادق ومفيش حب حقيقي ومش حقيقي لكن خبرتك مع الوقت وطرق التعبير عن الحب بتختلف».
«أنا عاطفية بحب أعيش قصص الحب وأمثلها علشان أعيشها في التلفزيون».
«أنا معرفش أعيش من غير حب ده غذاء الروح معرفش أنزل أشتغل وأروح وأنام زي الآلة ومن غير حد يقول لك كلمة حلوة ويطبطب عليكي ويبعت لك ورد ومكالمة لطيفة الصبح».
لنسخة مختصرة يمكنكم تحميل تطبيق المحمول من خلال Google Play أو App Store.
مواضيع ممكن تعجبك
