تحدثت الفنانة مايان السيد عن تخرجها قبل أيام من الجامعة الأمريكية بالقاهرة، وشعورها بعد هذا الإنجاز.
وقالت في مداخلة لبرنامج MBC Trending: «مبسوطة جدا إني أخيرا خلصت بقالي 7 سنين في الجامعة بسبب شغلي وفيه سنتين منهم ما كنتش بروح خالص بسبب الشغل وأنا كنت محتاجة أتخرج علشان أخلي بابا ما يدفعش وكفاية أوي عليه».
وعن اختيار الجملة التي وضعتها على قبعة التخرج قالت: «ده يوم مميز بالنسبة لي فحسيت (فركش يا أساتذة) علشان بسمعها كل يوم في التصوير فحسيتها مناسبة».
وتابعت: «عيطت في الحفلة واتأثرت وما كنتش أتخيل إني اتأثر هي كانت سنين صعبة لكن هيوحشني زمايلي وأساتذتي»، مشيرة إلى أنه «حاجات كتير كانت بتجيلي وكنت بقول لأ علشان الدراسة والجامعة».
وأضافت مايان السيد إنها تحضر حاليًا لدورها في مسلسل «حمد الله عالسلامة» في رمضان مع الفنانة يسرا، إلى جانب دورها مع دنيا سمير غانم في مسلسلها «صراع الفصول».
مواضيع ممكن تعجبك
