حل الفنان أحمد وفيق ضيفًا على إنجي علي في حلقة الخميس من «أسرار النجوم» على «نجوم إف.إم».
وتحدث الفنان أحمد وفيق عن التمثيل وقال «التمثيل أن تبدو طبيعيًا وليس أن تتعامل بطبيعتك أمام الكاميرا، فأنت في الأول والآخر ممثل ومهنتك التمثيل لكنك تبذل مجهود كي تبدو طبيعيًا، ويوسف شاهين قال لي مش عاوزك تمثل».
وتابع: «أنا بقول لأ كتير، لأ إن حد يحطني في دور معين وأبقى موظف، لكن أنا معتمد إن فيه ناس بتفهم ومخرجين بجد عندهم القدرة على الاكتشاف»، معبرًا عن تقديره بدوره الرمضاني في «سره الباتع»، مضيفًا «خالد يوسف اختارني في المودرن رغم إن الناس ممكن تتوقعني في التاريخي وانبسطت إنه شايفني غير كل الناس ما شايفينني».
وأكد: «ما بتغرش لأن التمثيل بحر والوسط غريق، لازم تكون بتعرف تعوم أو عالأقل معاك عوامة اللي هي موهبتك والأساتذة اللي بتشتغل معاهم سواء أصغر أو أكبر منك لكن موهوبين».
وعن تعامله ورأيه في السوشيال ميديا، قال: «أنا راضي ومش بتحسر على نفسي لكن بتحسر على غيري، بشوف مثلا حد ما بيعرفش يمثل بس مشهور بس خد فرصة حد موهوب وبيعرف يمثل، والمجتمعات هي اللي بتسوق ده وهي اللي بتحدد مين يبقى المشهور».
وتحدث عن المحطات الفنية المهمة في مشواره، قائلًا: «بعتبر بنتين من مصر على المستوى المهني والتأثير عند الجمهور كان نقلة لي دعمتها أهل كايرو في نفس التوقيت وبعدهم تحت السيطرة نقلة نوعية.. وأنا اعتذرت عن مسلسل علشان أركز في تحت السيطرة وكواليسه كانت فيها حالة والإنتاج كان موفر لنا الجلسات مع معالجين ومتعافين من الإدمان».
وتابع: «كأنه امبارح نقلة برده وهو سبب إني أسيب دقني بيضا لأني عمي ما سيبتها كده، والمخرج كان شايفني في الدور ده وأنا فرحت بيه وكان بالنسبة لي زي تحت السيطرة لأنه في حتة محدش يتوقع إني أعملها لأن الناس كانت بتقول لسه بدري وإزاي هتقنعنا إنك أب».
لنسخة مختصرة يمكنكم تحميل تطبيق المحمول من خلال Google Play أو App Store.
مواضيع ممكن تعجبك
