تستمع الآن

الرئيس السيسي: «أنا بكلم كل المصريين متخافوش.. لا نخفي عليكم شيئًا»

الجمعة - ٠٦ يناير ٢٠٢٣

وصل الرئيس عبدالفتاح السيسي إلى كاتدرائية “ميلاد المسيح” منذ قليل بالعاصمة الإدارية الجديدة، لتقديم التهنئة بعيد الميلاد المجيد.

وأكد الرئيس عبدالفتاح السيسي خلال كلمة له بكاتدرائية “ميلاد المسيح” في العاصمة الإدارية، أنه يتمنى أن يكون هذا العام عام خير وأمان على مصر والعالم كله.

وقال الرئيس السيسي إنه يكن كل التقدير والاحترام والاعتزاز لقداسة البابا تواضروس، قائلا: ” أوجه كل التقدير والاحترام والاعتزاز لقداسة البابا ولكم”.

وأضاف: “إحنا واحد.. مفيش بيننا أي شكل من أشكال التفرقة، اسمعوا كلامي أنا بقول الكلام ده مش ليكم انتم بقول لينا كلنا.. إحنا بنحبكم وكل سنة وانتم طيبين.. وعيد سعيد عليكم”.

وأوضح: “نتابع قلق الشارع ولكنني أطمئنكم إننا لا نخفي شيئًا.. أنا بكلم كل المصريين متخافوش.. ربنا موجود.. هيسيبنا يعني؟ الأزمة الاقتصادية ستؤثر في دول كثيرة اذا استمرت الحرب هذه السنة أو أكثر.. إحنا ماشيين كويس وإن كنا بنعاني، لكن منخافش ولا نقلق وبقول من فضلكم هتلاقوا ناس بتتكلم كلام كتير.. متديش ودنك لحد مش مسئول.. إحنا مش بنخبى عليكم حاجة”.

وأكد الرئيس السيسي: “الناس في مصر قلقانة وخايفة ومش هقول إن ده مش مبرر.. لكن إذا كان كلامي يطمنكم لازم تطمنوا مبنخبيش عليكم حاجة، ولو سمحتم يا كل الناس يا كل المصريين أنا في كل مناسبة بتكلم وأقول الحكاية عشان تبقوا عارفين.. نمضي في الطريق الصحيح حتى وإن كنا بنعاني في الوقت الحالي”.

وأضاف: “هي مصر لو تعبت هنتخلى عنها؟.. متديش ودنك لحد أقل ما فيه مش مسؤول.. كل واحد يعرف على قده”.

كان البابا تواضروس الثاني، قد استقبل الرئيس عبد الفتاح السيسي السيسي في قداس عيد الميلاد المجيد على باب كاتدرائية ميلاد المسيح بالعاصمة الإدارية، منذ قليل.

وبدأ قداس عيد الميلاد المجيد برئاسة البابا تواضروس الثاني، بابا الإسكندرية بطريرك الكرازة المرقسية بكاتدرائية ميلاد المسيح منذ قليل، بحضور عدد كبير من الوزراء والشخصيات العامة.


الكلمات المتعلقة‎


مواضيع ممكن تعجبك