تستمع الآن

فيدرا لـ«عيش صباحك» عن مسلسل «إيجار قديم»: «الناس محتاجة تتفرج على حاجة مريحة للأعصاب»

الثلاثاء - ٠٦ ديسمبر ٢٠٢٢

استضاف يوسف التهامي وفانا إمام في حلقة اليوم من «عيش صباحك» على «نجوم إف.إم» الفنانة فيدرا للحديث عن أعمالها الفنية وآخرها مسلسل «إيجار قديم» الذي يُعرض حاليا.

وعن دور «كاميليا» الذي تقدمه خلال أحداث المسلسل أمام الفنان شريف منير، قالت: «كاميليا مش شبه شخصيتي في الحقيقة، لكن بحب البهجة وخفة الدم وبكره النكد والشكوى، وبحب الناس اللي شايفين النص الحلو دايمًا».

وأوضحت أن المسلسل كان يتم تصويره في نفس وقت عرضه، وأنها لا تفضّل هذا الأمر: «ما بفضّلش العرض وقت تصوير المسلسل، ما بحبش الزنقة دي، علشان دايمًا فيه ضغط العرض والمسئولية، إلا أن المسلسل ده كانت أجواؤه حلوة فبنشيل بعض، وميمي جمال طيبة وحنينة وشربات بجد، وهي عاملة دورها كده زي شخصيتها».

الفنانة فيدرا - عيش صباحك

وأكدت فيدرا أنها لا تعتمد على كون المسلسل ضمن موسم رمضان او خارج الموسم، موضحة: «مش مؤمنة بموضوع المواسم زي موسم رمضان، لأن المفروض الفن شغال طول السنة، وطول السنة الحلو الناس هتشاور عليه، لأن مش دايما اللي بيتعرض في رمضان بينجح، بدليل إن إيجار قديم عامل نجاح كويس بره رمضان، وأنا بشتغل اللي عاجبني سواء في رمضان أو غير رمضان».

وأشارت إلى أن «الناس محتاجة تتفرج على حاجة مريحة للأعصاب بعيدًا عن الساسبنس والأكشن، رغم إني بحب أتفرج عليهم بس ببقى عارفة إني هتعب، ده في المشاهدة، لكن أنا بشتغل ساسبنس عادي».

مسلسل «إيجار قديم» بطولة: شريف منير، محمد الشرنوبي، صلاح عبد الله، فيدرا، ميمي جمال، هشام إسماعيل، حازم سمير، إلهام ‏وجدي، بسمة داود، محمد نشأت، وأسامة عبد الله، والمسلسل تأليف عمرو الدالي وإخراج طارق ‏رفعت.


الكلمات المتعلقة‎


مواضيع ممكن تعجبك