كشفت الفنانة سهير رمزي عن تفاصيل مسلسلها الجديد «أم البنات» ودورها فيه.
وقالت سهير رمزي في لقاء مع MBC Trending عن دورها في العمل: «اسمها ليل ست جدعة جدا ومكافحة وبسيطة وربت 5 بنات على أعلى مستوى دكتورة منهم مهندسة ومذيعة، وبنقول إن الست المصرية مكافحة وجدعة ولو حطت في دماغها حاجة حتى لو كانت مش متعلمة بتعملها».
فيما قالت منة عرفة عن دورها: «أنا رقم 3 في البنات اسمي عبير وفي الجامعة وهي تعتبر أهدى وأرق شخصية هعملها في حياتي وأنا مبسوطة بفريق العمل كله والـ5 بنات معظمهم أصحابي، وفي الفترة الأخيرة عملت ميديتيشن ويوجا علشان أحاول أهدى وأعمل الدور بشكل كويس».
وأوضح مخرج العمل عبد العزيز حشاد، أن العمل يدور في إطار «دراما اجتماعية عن مشاكل الأولاد وإزاي لو الأب مش موجود والأم اللي بتقود المسيرة من خلال نموذج الأم اللي قادت المسيرة وربت ولادها كويس جدا لكن بيكون فيه مفاجأة في الآخر».
ويشارك في بطولة العمل إلى جانب سهير رمزي: الفنان ناصر سيف، فريال يوسف، محمد عبد الجواد، حنان سليمان، حنان يوسف، ياسر على ماهر، ايمن عزب، سميرة صدقي، مادلين طبر، فاطمة الكاشف، والفنانين الشباب: هاجر الشرنوبي، ديانا هشام، منة عرفة، هايدي رفعت، سيلين عبد العزيز، محمد مهران، محمد احمد ماهر، تأليف احمد صبحي، اخراج عبد العزيز حشاد.
مواضيع ممكن تعجبك
