حلت الفنانة جنات ضيفة على برنامج «أجمد 7» مع جيهان عبد الله، على نجوم إف.إم، اليوم الخميس، للحديث عن آخر وأحدث أعمالها الغنائية ومشاريعها المستقبلية.
وعبرت جنات عن سعادتها بالتعاون مع الملحن عزيز الشافعي خاصة أغنيتيها «أوعى» و«رايقة»، الذي قالت إنه «عنده القدرة إنه بيشوف الفنان في شكل تاني، وأنا بستنى أي حد يقترح عليا فكرة جديدة وبتحمس لها، لكن لو ما حستش الأغنية ما بنزلهاش».
وأكدت جنات خوفها من تقديم أغنيات تمس حالة شخصية لديها، قائلة «عمري ما عملت أغنية بتمس حالة شخصية عندي، لو اتعرض عليا أغنية بتمس حالة عندي بخاف منها».
وعن أحدث أغنياتها «يا بختي بيه»، قالت: «كان مخطط تنزل في الصيف لكن علشان اتفاقاتي اتأخرت شوية عن الصيف ونزلت من 3 أسابيع تقريبا والواحد ما بقاش مركز أوي في الوقت، لكن بركز إني أبقى موجودة مع الناس، وما عادش فيه انتظار نستنى سنتين علشان نعمل ألبوم 10 أو 12 أغنية، مع إني بحب ده، لكن لازم كل شهرين 3 يكون ليا أغنية، وبشوف أغنية أغنية وردود فعل الناس عليها لحد ما أوصل للشكل اللي الناس بحبه أكتر».
مواضيع ممكن تعجبك
