رد السيناريست أيمن بهجت قمر على انتقادات الجمهور حول اختيارات أبطال النسخة المعاصرة من العرض المسرحي «سيدتي الجميلة» بعد صدور البوستر الرسمي لها، وهي المسرحية التي كان كتبها والده المؤلف الكبير بهجت قمر عن رواية «بيجماليون» لجورج برنارد شو.
ومن المقرر أن يشارك في بطولة المسرحية الفنانين: أحمد السقا، ريم مصطفى، علاء مرسي، محمد عبد الرحمن، وآخرون.
وقال أيمن بهجت قمر في مداخلة هاتفية لـ«يحدث في مصر» مع الإعلامي شريف عامر: «كان ممكن أستسهل وأكتب مسرحية لكن كان عندي هاجس لما ولادي كبروا إنهم ما بيتفرجوش على الأعمال الأبيض والأسود، والحاجات دي مش عند الشباب الصغير اللي طالع، معندوش ثقافة الحاجات القديمة، وشايف إنه لما بنعمل إعادة للأعمال القديمة بشكل جديد ده بيفيد الحركة الفنية والمتلقي اللي بيشوف أعمال قوية مش هتتكرر».
وتابع: «إحنا ما بنقارنش بالأساتذة الكبار والممثلين بيقدموا بأدواتهم هم وروحهم هم، وإحنا مش داخلين نقلد الممثلين القدام لكن كل واحد بيقدم شخصيته، لأننا لو قارننا ده هيظلم العرض وهيظلمنا إحنا».
وأضاف: «السقا كان متحمس جدًا للتجربة لأنه نص ما ينفعش ما تكونش متحمس له، وأنا شايف إننا هنقدم النص الجديد بشكلنا وروحنا، ومثلا العرض الأصلي كان 4 ساعات إحنا عاملين له رؤية جديدة وبقى ساعتين».
وأكد أيمن بهجت قمر: «أنا مش عايش على الشغل القديم أنا بعمل أعمال جديدة وناجحة وأنا مش في حاجة إني أتاجر بوالدي، ده دوري ناحية تراث والدي اللي أتمنى أولادي يعملوه معايا».
مواضيع ممكن تعجبك
