تستمع الآن

ماجد المصري ونور النبوي يتحدثان عن أدوارهما في «خمس جولات»

الأحد - ٣٠ أكتوبر ٢٠٢٢

تحدث الفنان نور النبوي عن تفاصيل دوره في الفيلم الجديد «خمس جولات» الذي يشاركه بطولته الفنانون الشباب آدم الشرقاوي وداليا شوقي ويلتقون ثلاثتهم مع الفنان ماجد المصري.

وقال «نور» في تصريحات لـ«The Insider بالعربي»: «إحنا ناس لسه بنبدأ فأنا بعمل دور حلو أتمنى أتعلم منه وأتمنى الناس تشوفني فيه حلو».

وعن كواليس تصوير العمل الذي يدور حول رياضة MMA، قال: «الحمد لله مفيش خساير فيه حاجة غريبة إن الناس ما بتعرفنيش كل ما أدخل التصوير، رغم إني مش مغير شكلي أوي».

وعبر نور عن سعادته بالعمل مع أبناء جيله من الشباب إلى جانب الجيل الأكبر، وقال: «مبسوط جدًا إني شغال معاهم وإحنا بقينا بنخاف على بعض وأنا بحب أبقى جزء من جيل، علشان كده بحب أشتغل مع أبناء جيلي وكمان الأكبر والأصغر».

وعن دوره في العمل قال الفنان ماجد المصري: «كابتن نصار هو راجل لاعب بوكس قديم وراجل شعبي وعنده مشاكل وبيحاول يمشي مع الجيل الجديد فبيحاول يعمل ده مع أولاده».

وقال عن الشباب الثلاثة في العمل: «التلاتة أحلى من بعض وليهم أعمال وناجحين في السوق بس في الفيلم ده طالعين بشكل مختلف تماما».

كاما قال الفنان الشاب آدم الشرقاوي: «بتفرج كتير على MMA بس مالعبتش قبل كده بس لما دخلت التمرينات اتبهدلت علشان فيه تفاصيل كتير الجمهور ممكن ما يكونش شايفها، ففضلنا شهور بنتمرن على التفاصيل دي، وخدت ضربة بجد في التمرينات غصب عن المدرب».

وقال محمد عبد المعطي مؤلف العمل: «الفيلم بيتكلم عن الأبطال اللي بيلعبوا اللعبة دي وفكرة المعاناة اللي بيعانيها جيل الشباب اللي لسه بيبتدي طريقه، وهل الشاب ممكن يستثمر المعاناة دي في نجاحه ولا ممكن تهده خالص».


الكلمات المتعلقة‎


مواضيع ممكن تعجبك