تستمع الآن

علاء مرسي: «مفيش حد نمبر وان حتى عادل إمام.. وأنا من أعظم الممثلين على مستوى العالم»

الثلاثاء - ١٨ أكتوبر ٢٠٢٢

كشف الفنان علاء مرسي، على أن المجاملات التي قام بها خلال مشواره الفني أضاعت مستقبله، ودمرت حياته.

وقال الفنان علاء مرسي، خلال حواره عبر قناة “الحياة”: “مهنة الفن لا تعرف الوفاء لأننا بنشوف أنماط من أعظم الفنانين وأساتذتنا اللي بيتقدم بيهم العمر وبتذهب عنهم الأضواء أد إيه هم بيعانوا من عدم السؤال حتى ودي معرفش حلها إيه، دكتور أشرف زكي أنا بديله تعظيم سلام لأن راجل بيعمل حاجات عجيبة وبيرد على التليفونات في أوقات غريبة، وبيسيب حاجات خاصة بيه عشان يجري في خدمة الناس، ولكن أنا مش عارف يعمل إيه تاني”.

وأضاف: “50% من شغلي كان نحت، النحت معناه أنك تقبل أي حاجة عشان أقرب قرشين وتشتغل، النحت أنك تنحت عشان تجامل صاحبك اللي هو عايزك تقف معاه وخلاص مش شرط اسمك يتحط فين ولا تعمل إيه”.

كما أكد علاء مرسي أنه يرى نفسه بأنه من أعظم الفنانين، موضحا: “بعترف بموهبتي وبما أنعمه الله عليا من إبداع وأنني من أعظم الممثلين الموجودين على مستوى العالم، أنا عندي موهبة عظيمة أعلمها وأنا مش بتفاخر أنا بقول إن عندي الموهبة والقدرات”.

وأرف: “فكرة أني لازم أخد ملايين مش شرط لأن الملايين دي تجارة، أنا ممكن أكون من أعظم الممثلين بس مليش سعر في البيع وده شيء عادي وموجود في الشغلانة، في نجم يباع وفي ممثل عظيم يمثل ومش شرط ياخد الفلوس دي، في نجوم مش بتعرف تمثل بس هو كده ربنا مديله الحتة دي”.

أحمد حلمي

وتابع: “من وجهة نظري النجم اللي موهوب حضورا وذكاءا بقوة هو أحمد حلمي، أحمد حلمي ذكي ذكاء فني عظيم في اختياراته، وفي نجوم أخرين مش بيعرفوا يمثلوا زي نبيلة عبيد، ونادية الجندي، وأحمد حلمي، ودرة، وأنا لما بقول كده لا أسيئ ليهم دي وجهة نظري.. محمد رمضان عظيم وممثل مهم وموهوب في التمثيل، هو مصنف مطرب ده موضوع هو اللي اختاره”.

واستطرد: “بتخض قدام أحمد آدم في التمثيل ده ممثل مهم وخطير وموهوب موهبة غير عادية، لكن فين أحمد آدم؟ وهذا لا ينقص من أحمد آدم أو الفنان الموهوب، ومفيش حد نمبر وان، وفكرة محمد رمضان أنه نمبر وان غلط حتى الأستاذ عادل إمام زعيم الشغلانة مش نمبر وان، لكن هو النجم الوحيد اللي حافظ على نفسه وما زال وسيحافظ مدى الحياة.. ربنا يديله الصحة لأن ده اختيار الله واختيار عقل عرف يدير موهبته على مدار تاريخ ودراسة وعلم”.

مشهد «ماما حلوة»

كما أعرب مرسي عن ندمه على أحد أبرز مشاهده مع الفنان محمد هنيدي، قائلا: “ندمت على مشهد (ماما حلوة) فى فيلم عندليب الدقى لأنه حصرنى فى منطقة معينة”.

وشدد: “أهم خمس ممثلين في الجيل الحالي بالترتيب أحمد آدم، محمود حميدة، صلاح عبد الله، إياد نصار وكريم عبد العزيز”.

ونفى علاء مرسي ما تم تداوله بأن السقا يرشح الممثلين، قائلاً: “أنا لم أقل إن السقا هو الذى يرشح الممثلين الذين معه، لكن له كلمة فى الاختيارات، وأيضا هنيدى لا يتدخل، والسقا عمره ما رشحنى لأى عمل، وأنا اللى رشحت السقا لمسلسل مين ميحبش فاطمة وقلت للمخرج أحمد صقر، ومفيش حاجة بينى وبين السقا، وهو كان حبيب علاء ولى الدين أوى”.


الكلمات المتعلقة‎


مواضيع ممكن تعجبك