تستمع الآن

باسل الزارو لـ«عيش صباحك»: «أكبر مشكلة بالنسبة لي إني بتحصر في شخصية معينة بسبب شكلي»

الخميس - ٢٧ أكتوبر ٢٠٢٢

تحدث الفنان باسل الزارو عن دوره في أحدث أعماله وهو مسلسل «دوبامين» وذلك خلال استضافته في برنامج «عيش صباحك» على «نجوم إف.إم» مع يوسف التهامي وفانا إمام.

وقال باسل عن العمل الذي يدور في إطار اجتماعي ويناقش عالم السوشيال ميديا وتأثيره على حياة الناس: «القصة شدتني وهي اللي إحنا بنعيشها اليومين دول وعاملة مشاكل في حياتنا اليومية، واللي خلاني أشترك إن الخط الدرامي بتاعي كان مختلف في الأول لكن المخرج وأنا بذاكر وافق عالحاجات اللي أنا اقترحتها كلها».

وتابع: «الموضوع واقعي أكتر مما كلنا نتخيل وبالذات فينالة المسلسل لأنها اتغيرت، لأننا كنا وإحنا بنصور بنغير حاجات من الأحداث اللي بتحصل حوالينا».

وعن حصره في أدوار معينة قال: «أكبر مشكلة بالنسبة لي إني بتحصر في شخصية معينة في الأعمال بسبب شكلي ومستني أثبت ده في عمل ما، ولما جت الفرصة في مسلسل أحمس لما حلقت شعري زيرو وحضّرت شهور وكان أول دور أعمله مش أنا لكنه للأسف اتوقف عرضه».

وأكد: «كنت بهتم بحجم الدور في البداية وبعد كده اكتشفت إنه مالوش علاقة إن ممكن مشهد واحد يبقى مؤثر، فبقيت بفكر بشكل تاني إنه لو شيلنا الشخصية دي هيحصل حاجة في المسلسل ولا لأ، وكمان مش مهم أنا في التتر فين لأنه الناس بتتفرج عليه مرة واحدة وكمان في عالم التكنولوجيا دلوقت فيه Skip intro فماحدش بيشوف المقدمة».



مواضيع ممكن تعجبك