تستمع الآن

أحمد العوضي يرد على منتقديه بعد فيديو عامل النظافة: «اللي عملته مش مقصود بيه شو ولا أي حاجة»

الأحد - ٢٣ أكتوبر ٢٠٢٢

حرص الفنان أحمد العوضي، الخروج للرد على الانتقادات التي وُجهت له عقب نشره صورة تجمعه بعامل النظافة الذي مُنع من الجلوس في أحد محال الكشري الشهيرة.

وقال “العوضي” خلال فيديو له نشره على حسابه الرسمي على موقع التواصل الاجتماعي “فيسبوك”: “اللي بينك وبين ربنا الصدقة، أنا مورتكش أنا إديته إيه، أنا جبرت بخاطره، لأن مَن صار بين الناس جابرًا للخواطر أدركه الله في جوف المخاطر، الراجل اتكسر قدام الناس وحقه أطلعه منصور قدام الناس، وده دوري أنا لو ربنا مديني شهرة إني استخدمها في السبب اللي يرضي ربنا، أوعى تفتش في النوايا، أنت مش قاضي في الأرض”.

وأضاف العوضي: “كل الموضوع أني نزلت بوست لا صورته ولا حاجة، لأن أنا راجل ابن شارع أنا قاعد في الشارع طول عمري، وهفضل في الشارع وهفضل أراضي في خلق الله، دي حاجة بيني وبين ربنا”.

وتابع: “لما قابلت الراجل، قلت له هناكل أنا وأنت في طبق واحد، لأن كلنا واحد وولاد تسعة أنا مبسطها، الدنيا مش كلها اللي أنت شوفته.. أنت أخويا وكلنا ولاد آدم، واللي عملته مش مقصود بيه شو ولا أي حاجة، اللي أسعد الراجل أنه حس أنه منصور ولقى شغل”.

وقال العوضي لمنتقديه: “ياعم قلدني.. دي حاجة كبيرة أنك تفتح له باب رزق، وأنا ربنا جعلني سبب لوظيفته الجديدة، أنا مش ناقص شهرة، بس بصدر لك حاجة كويسة.. لو عايز تقلدني قلدني أنك تجبر خاطر الناس، وربنا يقدرنا على فعل الخير”.

وظهر أحمد العوضي مع عامل النظافة أو كما بات يطلق عليه إعلاميا “صاحب واقعة محل الكشري” ونشر صورته معه وكتب: أخويا محمد الجدع، محمد هيستلم شغله بعد بكره سائق نقل (شغلته الأساسية) في مطعم أسماك”، وتفاعل الجمهور بشكل كبير مع تصرف أحمد العوضي.

وكان انتشر مقطع فيديو مساء الجمعة عبر صفحات التواصل الاجتماعي يوضح رفض إدارة فرع إحدى محال الكشري جلوس أحد عمال النظافة داخل صالة المطعم، وهو ما لاقى انتقادات كبيرة، لتصدرإدارة المطعم بيانا أكد فيه أنه يتم التحقيق في الواقعة وأن ما حدث سوء تفاهم وأنه سيتم معاقبة الموظف المسؤول.


الكلمات المتعلقة‎


مواضيع ممكن تعجبك