تستمع الآن

ياسمين صبري توضح كيف تتعامل مع الشائعات وتصريح غامض حول الأمومة

الثلاثاء - ٢٧ سبتمبر ٢٠٢٢

أثارت ياسمين صبري الجدل بعد إجابتها الغامضة على سؤال إسعاد يونس عن الأمومة وإحساسها بالاحتياج لأطفال.

وأجابت ياسمين على هذا السؤال خلال استضافتها في «صاحبة السعادة» بقولها «لا دي مفاجأة بقى ما أقدرش أتكلم فيها يعني».

وقالت إنها تحس تجاه ابنة شقيقتها الصغيرة بشعور غريب، مؤكدة أن «الأطفال جمال طبعا ولازم اللي يقرر يجيب أطفال يكون مهيأ نفسيا وبيته مهيأ نفسيا إن الطفل ده ما يعيشش في عصبية وصريخ ودراما وعلشان أنا دارسة علم نفس إن الطفل من وهو في بطن أمه بيتأثر بكل حاجة وشخصيته بتتكون ولازم الناس تكون عارفة بتعمل إيه».

وعن رحلاتها المستمرة حول العالم قالت: «وعدت نفسي كل سنة أطلع رحلة أستكشف فيها نفسي وأتعلم أكتر وأقعد مع ناس وأخد منهم خبراتهم، فطلعت نيبال اللي فيها جبل إيفرست وجبال الهيمالايا وفيها مدرسين ومدارس طاقة وروحانيات عالية جدا».

وتابعت: «طلعت مع راهب بوذي زاهد الدنيا بيعيش فقط على مساعدة الناس وقال لي البشرية بتعاني من حاجتين التعلق والجهل وتحتهم معاناة البشر باختلافهم من ساعة خلق البشرية».

وأكدت ياسمين إنها تتجاهل الشائعات ولا ترد عليها دائمًا، موضحة: «تقبلت الشائعات واتعودت عليها من بدري جدا وما بعملش أي رد فعل، لأن لكل حاجة نهاية حتى الترند إنما اللي يطوّله هو الرد».

كما أوضحت أنها لا تشعر بالوحدة ولا تعيش وحيدة كما قد يعتقد البعض، قائلة: «أنا مش وحيدة ومش لوحدي ومحدش يعرف تفاصيل حياتي، أنا شخصية منغلقة ومش بتكلم عن أموري الشخصية لكن أنا مش لوحدي خالص».


الكلمات المتعلقة‎


مواضيع ممكن تعجبك