تستمع الآن

عفاف شعيب ترد على انتقادات حديثها عن شراء ملابسها من ألمانيا

الأحد - ٢٥ سبتمبر ٢٠٢٢

أعربت الفنانة عفاف شعيب عن غضبها من الهجوم عليها بعد تصريحاتها الخاصة بأنها لا تشتري ملابسها إلا من ألمانيا، قائلة إن ما حدث معها بمثابة “تنمر”.

وقالت عفاف شعيب في تصريحات تليفزيونية، مساء يوم الأحد: “أكيد بزعل من الهجوم، ليه كده؟ راعوا شعور الناس وبلاش تشيلوا ذنوب، روحوا سبحوا أو اقرأوا قرآن، اللي بيخاف ربنا ميؤذيش مشاعر الناس، وأنا تحدثت بصدق شديد لما المذيعة سألتني بتشتري لبسك منين”.

وأضافت: ”قلت أنني أشتري ملابسي كلها من الخارج لما كنت بسافر، ليه ماتكلمتوش على اللي بيجيبوا فستان بمليون جنيه، مقاسات الملابس الألماني مضبوطة عليا وشكله شيك ومحترم”.

وتابعت: “الألمان مقاساتهم مضبوطة، الملابس من أول لبسة بتكون مضبوطة عليا، وساعات ألف محلات مصر مبلاقيش الحاجة المناسبة، واللي بيهاجموني ناس فاضية ومعندهاش ضمير وحسابهم في الآخرة عسير”.

وأشارت: “أنا اشتريت من هنا حاجات مصري وللأسف يومين والكتف يتقطع أو سوستة البنطلون، وكان في فترة سابقة اللبس المصري هايل وحلو جدا، لما كنت في أمريكا وحبيت أشتري هدايا، كل حاجة صنع في مصر وحاجات راقية جدا، ليه ده مش متوفر هنا؟”.

وكانت الفنانة عفاف شعيب قد تطرقت إلى هذا الموضوع خلال حوار تليفزيوني لها مؤخرا، موضحة أنها اعتادت السفر وشراء ملابسها من الخارج، وحاليا تواجه صعوبة في العثور على ما يناسبها بسبب صعوبات الاستيراد.

يذكر أن عفاف شعيب شاركت مؤخرا في مسلسل “زي القمر”، الذي عرضت آخر حلقات موسمه الثاني في ديسمبر من العام الماضي، وشاركت في بطولته مجموعة من النجمات ضمت درة، صابرين، أيتن عامر، مي كساب، سوسن بدر، وداليا مصطفى.


الكلمات المتعلقة‎


مواضيع ممكن تعجبك